樓下有喪屍: Act 39 犧牲

這麼說來，剛才已經開始覺得很熱很悶焗了，我還以為是自己精神緊張．．．我們知道這裡的空氣已經撐不了多久，所以便加快步伐去救人。我們沿途殺了數隻喪屍，然後跑昇降機旁的樓梯回到B1，想不到竟然在這裡遇到求撚奇和受傷了Brandy！
 
「流主？？」求撚奇十分意外說
 
「Brandy？妳無事呀嗎？？點解會受傷嘅？？」阿凝說
 
「．．．流主．．．對唔住，我地無信你．．．」Brandy痛苦地按著受傷的手臂說
 
「發生咩事？？係咪．．．呂晨？」我說
 




「頭先停電，啲門自己打開晒，好多喪屍即刻由四方八面嚟．．．當時求撚奇又唔喺度，於是我同呂晨同王生就守住休息室門口．．．但係喪屍數量太多，我地根本對付唔嚟．．．點知呂晨竟然突然向我開槍，仲話用我嚟拖延住啲喪屍！然後佢就襯混亂走左去．．．我見形勢不利，就叫王生返入休息室頂住度門，保護其他人，我就去搵求撚奇．．．」Brandy說
 
「我一見撚到停電有喪屍，就即刻老撚跑返嚟．．．．．．流主，我一早應該聽你講．．．」求撚奇說
 
「我地都搵到當晚Locker房嘅閉路電影片段，證明流主真係比呂晨屈。」阿健說
 
「流主．．．我對你唔撚住！」求撚奇道歉說
 
「屌．．．講呢啲．．．」其實我十分高興，總算和求撚奇冰釋前嫌
 




「唔好講咁多啦，我地快啲去救埋王生佢地就走啦。流主搵到船喺碼頭接我地呀！」盧Sir說
 
我們跟著知道路的阿健和盧Sir來到來到另一條走廊，我們已經能夠聽到王生求救的聲音了，相信快到了！
 
「有無人喺出面呀？救救我地呀！！」王生拍著門說
 
雖然不知道他為什麼不開門出來，但沒關係，我們這就過去。然而，我們走到休息室前的走廊時才留意到．．．休息室門外竟然迫滿了喪屍！！難怪他們只求救而不開門了！
 
「頭先我追出嚟嗰陣都無咁多．．．」Brandy說
 




「咁啦，我地喺依度開槍，應該殺得晒佢地，睇落都係二三十隻啫．．．」我說
 
「講咁撚多！開槍先算啦！！」求撚奇說著立即舉槍
 
阿健也沒有說話，便立即開槍了！我們也跟著開火，我、求撚奇加上阿健和盧Sir的火力應該沒問題的。但就在此時，走廊其他的門都突然破開，更有一群喪屍走出來！！
 
「唔撚係掛！！」求撚奇說
 
「點算呀？」華女說
 
「．．．走啦。」盧Sir說
 
「你話咩話？？」阿凝說
 
「救我地呀！！！你地係咪喺出面呀！！我聽到槍聲呀！！好囉！！有人救我地啦！！」王生的聲音傳出




 
「．．．點可以掉低佢地．．．」阿健說
 
「．．．走啦，你見唔見到，宜家前面有成百隻喪屍．．．我地都自身難保呀！」盧Sir說
 
此時，身後竟然也有喪屍撲過來！！更捉住了盧Sir！因為黑暗的關係我們在這麼近的距離根本不敢隨便開槍！！
 
「呀！！！」盧Sir大叫
 
「盧Sir！！」阿健說
 
「．．．呀！！好嘅唔靈，醜嘅靈．．．宜家我都中招啦．．．你地走啦！！！再唔走．．．所有人都一齊死架咋！！」盧Sir說
 
我們沒有選擇餘地，只有無奈地乘此機會逃走。
 




「喂！！！你地唔好走呀！！！救我地呀！！！喂！！」王生聽到盧Sir叫我們走便發狂似地叫喊著
 
「走啦，咩都唔好理啦！！」我說
 
黑暗中我們跟著阿健，一邊戰鬥一邊回到後樓梯，既要保護不太會戰鬥和受傷的幾位女士，又要一邊戰鬥．．．情況十分混亂，險象環生。我們沿著後樓梯來到地面層，想不到這裡也已經有喪屍了！而且看來不會比B3的少！我們邊走邊戰，終於看到離開員工通道的鐵門，我們把門推開，原來已經是港鐵站外面了。
 
我們都不禁深呼吸了一口新鮮空氣．．．抬頭看一看，天色已經有點昏暗了，意想不到回到路面，首先看到的竟然是大量警方架起的路障，當然還有大量的喪屍。
 
「咁撚多喪屍．．．仆街我仲得返一個彈匣．．．」求撚奇說
 
「我都係得返兩個彈匣，雖然唔係我見過最惡劣既情況，但係我地啲子彈點數都唔夠．．．」我說
 
「但係碼頭喺邊個方向．．．？」華女說
 
「碼頭應該喺嗰邊，我地要穿過路障，過對面馬路，沿住馬路就去到碼頭。」阿健說




 
「咁唔好撚諗啦，行啦，我地唔係好柒多時間！」求撚奇說
 
我們盡量避開喪屍的耳目前進，也盡量使用冷兵器來對付它們。然後，我們來到路障的中間位置．．．
 
「個路障砌到八陣圖咁．．．」我說
 
「嗰邊無喪屍，行啦！」華女說
 
此時地上一隻喪屍突然捉著我的腳！我立刻用軍刀刺穿它的頭顱，同時我發現它身上掛著一支機關槍，這已經是第三次看到機關槍了，現在不用，等待何時？我把機關槍和它身上的彈匣都拿走了。
 
我們再繼續前進，終於成功來到另一邊馬路！
 
「哇，你支野好似好撚堅喎，你識用架啦？」求撚奇說
 




「唔識呀．．．我估都係拉雞開槍嘅啫．．．」我說
 
我們繞過金融中心的外圍來到另一條馬路，對面看來是一個高級酒店，而下面卻佈滿了跟旺角數量不相上下的喪屍群．．．