樓下有喪屍: Act 27 Apple的家人
「你地．．．」那男子說
「你係咩人！！」我拔槍指著他說
「．．．我唔係喪屍呀．．．」他舉高手說
「你嚟依度做咩嘢！」我說
「我嚟搵嘢食架咋．．．」他說
「搵嘢食？依度咁多喪屍你自己一個嚟搵嘢食？」我說
「係呀．．．我係港鐵員工嚟．．．依頭我好熟，所以咪出嚟搵嘢食．．．你唔信嘅可以跟我返去睇下，我地仲有幾個生還者．．．」他說
「佢信唔信得過？」華女靜靜問我
「唔．．．佢得一個人，應該搞唔出咩花樣。」我說
「唔該你．．．我要去鰂魚涌救我個女，你係做港鐵嘅，你可唔可以帶我地去港鐵站呀？」Apple突然說
天呀，Apple妳是不是瘋了？如果他是壞人的話怎麼辦！
「可以呀，你地跟住我，我知道一啲通道可以安全去到港鐵站。」男子說
「我地真係跟住佢呀？」華女說
「你地可以唔跟，但我一定要救我個女。」Apple眼神堅定說
我們唯有跟著那個男子．．．想深一層，如果他真的有什麼陰謀，我便最多殺了他，無傷大雅。我們跟著他走，果然很安全地便來到港鐵站！不過這裡的喪屍不比商場的少．．．我們小心地行事，跟著他走進了員工才可進入的通道。
「你宜家帶緊我地去邊？」我用槍指著男子說
「你地唔係去鰂魚涌咩？我同你地去緊中環站港島線月台．．．不過，你地諗住行過去呀？」他說
「．．．係又點？」我說
「你地．．．喺依度行過去，先唔講幾遠啦，隧道入面宜家無咩氧氣而且好暗．．．你地點去呀．．．」男子說
「我唔理，我一定要救我個女！」Apple說
「唔．．．一係咁啦，我同你地去啦。我地生還者入面有個係車長嚟嘅，雖然係見習，不過車我地去到鰂魚涌，一定唔係問題。」他說
「好呀！！多謝你呀！！」Apple捉著他的手說
「喂？細豪？我有啲嘢要你幫手．．．」男子拿出對講機說
我們跟著他走，沿途穿過十數道門，很多的樓梯，走上走落，我已經完全不認得路了．．．如果他真的要害我們．．．我想我們真的要中伏了．．．
「好，我地喺依度等，細豪好快嚟到。」男子說
「喂，阿健！咦，佢地係？」一個男子從我們來的門進來
「佢地係我頭先係商場撞到嘅，佢地要去一轉鰂魚涌，橫掂我地依度有一卡車，港島線條路又已經清空左，不如車佢地去。」一直帶著我們的男子說
「好呀，應該唔危險嘅。我係細豪，你地好。」男子說
「我係流主，佢係Apple，佢係華女。」我說
「我係阿健，行啦。」阿健說
阿健推開眼前的鐵門，原來已經是中環站港島線的月台．．．真厲害．．．我們沒有理會喪屍，立即跑到車長室，細豪便隨即開動列車。
未幾，我們終於到達鰂魚涌車站，列車慢慢停在月台．．．
「好啦，或者妳詳細講一講妳去邊度搵妳個女？我可以同妳地一齊去。」阿健說
「你唔一定要同我地去架其實．．．」Apple說
「．．．我都明白失去親人嘅感覺，就比我幫下你地啦。」阿健說
「多謝你．．．佢同我阿媽住，住喺英皇道多寶樓！」Apple說
「啊，咁我地A出口出啦，細豪喺度等啦，小心啲呀！」阿健說
我們跟著阿健帶路，小心地邊戰邊走，這邊喪屍比香港站的少，還應付得來，而且阿健對付喪屍也很熟練，看來他也吃過不少苦頭。
「點解我地唔行工作人員通道嘅？」華女說
「我地個個站啲匙都唔同，我無依個車站啲匙，所以唯有就咁走出去．．．」阿健說
我們終於走出港鐵站，Apple已經急不及待前進了。我們跟著她走到大廈門口，殺了大堂數隻喪屍，使乘昇降機到六樓，直接走到目的地。
「開門．．．係我．．．」Apple拍門說
門應聲打開，一個男子走出來．．．
「嚟啦咩？我好撚肚餓呀！」那男子說
「啲嘢食比晒你，我要帶阿媽同個女走。」Apple把她的背包交給男子說
男子立即打開背包，他看了一眼，便把背包掉在地上！
「妳滾我呀？得咁少嘢食？」男子一手用力捉住Apple下巴
「放手！」我立即用槍指著他說
「扯！有槍好撚威威咩．．．？．．．好．．．你大撚晒羅！」他放手說
「算啦流主，帶埋阿媽同阿女走就得啦。」Apple說著並走進屋內
「女女？媽咪嚟左啦！」Apple說
果然，應聲就有一個八、九歲的小妹妹走出來抱著Apple，更放聲哭了出來。
「乖女乖女唔好喊．．．媽咪嚟左啦．．．媽咪嚟帶妳走啦．．．」Apple淚著眼抱著她說
「妳無事就好啦．．．我地睇電視話有僵屍．．．仲諗．．．總之妳無事就好啦．．．」一個老婆婆走出來說
「媽．．．唔好講咁多住先啦，我地走啦！」Apple說
「咪．．．咪住先，你地去邊？」男子說
「我地去邊關你咩事呀？」Apple說
「我諗妳地無時間傾啦．．．」阿健說
我們這才發現走廊也開始有喪屍接近！我們立即起行，但由於昇降機前已經迫滿喪屍，我們只能走樓梯到地面！
「等埋我呀仆街！」男子說
我們沿樓梯跑，但想不到它們竟然也沿樓梯從地面追上來！我們只有回頭跑到隨便一層的走廊，阿健立即按下昇降機．．．
「屌那媽點算呀！！」男子說
「唯有等啦．．．」阿健說
「佢地追到嚟啦！！」華女指著樓梯說
我立即拔出鐵撬上前把最前的一隻喪屍打死，阿健也十分合拍，他一腳把迫在走廊的喪屍踢倒，它們有如骨牌般倒地！
「有lift啦！」Apple說
我們立即迫進昇降機內，同時也已經準備好一出去便要來一場硬仗！果然，門一打開，一隻喪屍已經撲進來！我用鐵撬擋住它的雙手，但是它身後迫上來的喪屍一浪接一浪，我一個人根本擋不住！