一生無法忘記的妳: 第七節

落到球場已經有個半場係鬥緊波，剩反半個場係啲人自己射波。
相信每個打籃球既朋友都有自己既偶像，我既偶像就有kobebryant,dwyane wade，paul george。呢三個同樣都擁有一個相同特點，射波準，切入強。睇到佢地三個啲fade away真係拍爛手掌，可惜我只學到一成。
係個半場入面，我可以輕易睇得岀有三個係技術好強，兩個係普通技術，我梗係當自己係普通技術。打打下有個高佬無端端話“喂！3打3，你打吾打？”個高佬好串咁問我，我梗係打啦，咩呀高過人就大撚哂呀？！
一開波，同我差吾多高既10號PG就傳波比我，我key幾下就傳反比佢，佢一攞波就一嘢摌入去，點知對面隊高佬即刻去block佢，佢就傳比我，我一攞波即刻起手射同樣情況mark我個個都係高佬，我就用fade away同佢搏一搏，點知真係入左，個個個樣好似對我刮目相看咁。我個隊竟然以一個打PG位，一個打SG位同一個打PF位贏左對面三個都係SF型既高佬。
完左之後每個人都飲水，個高佬走個黎問"你校隊黎？“”我之前的確係，但退左啦“佢又問”你係咪打SG？“”你一嘢睇得岀？“佢話”梗係啦，你係咁射波，好難睇吾岀，但我覺得其實SG除左射波，都可以上下籃，未必需要成日射“佢又講得幾有道理既。
傾左陣先知個高佬原來係南華青訓，但點解頭先果場佢地會輸？我都吾知點解，我傾完之後就冇再打，反屋企沖個涼然後就繼續2k15同FIFA。