其實我都知我比唔上佢: 遇上女神

大家好，我係一個中五學生，我叫王君凱，樣ok，高高地，成績中挺，就讀5E。

新嘅學年，又有新嘅開始。

阿楠由f3開始，每朝早都會一齊行返學，因為我地住得近，加上係好朋友。

「你估會唔會咁好會有個靚女插班生嚟啊嗱？」

「你就想！邊有咁巧合呀，拍韓劇咩？」





「Every thing is possible dude!!」

「得啦得啦，唔使用你啲超流利嘅英文嚟打敗我。」

「一係我同你賭，如果真係有女插班生，你就比五十蚊我，如果我輸咗，我就比五十蚊你。Deal？」

「都話唔好講英文咯，唉...好啦，橫點一定冇可能。」

返到學校～





老師宣布會有一位由美國讀完書返嚟嘅女插班生會嚟5E。

每個男同學都紛紛討論呢位女插班生會係點。

我同阿楠望住對方，我心諗：竟然比佢估中...頂...冇咗50蚊添！

女插班生一入到課室，啲男仔全部目定口呆咁望住佢，因為佢真係好靚。

今次真係要比阿楠幫我買六合彩嘞。





佢入到嚟，鞠咗個躬，講：「Hi～我叫李思晴，你哋可以叫我Serena。」

老師見到我隔離有個空位，就吩咐Serena坐喺我隔離。

「你好，我係王君凱！你可以叫我Roy。」

「你好～請多多指教～」

「大家咁話。」

開頭幾日，我同佢都不免會有啲尷尬。

但係相處耐咗，就會覺得佢人靚聲甜，性格都唔錯。

佢唔似其他女仔咁八婆，佢性格開朗，好鍾意笑，大方，唔記仇，係個運動型女仔。





佢係學校嘅籃球隊、排球隊、足球隊嘅隊長。

完全係我鐘意嘅類型。

5E女神，非佢莫屬。

估唔到就係咁，我遇上一生之中最愛嘅女神。