明明早該放手 但有眼看不到: 第四十九集

屌!做咩要按鍾呢daddy mammy ??? ???
搞到我以為係呀淇...
 
跟住又係一輪on9打招呼
 
媽 : 依...呀欣都黎左呀..
欣 : 係呀姨姨
媽 : 你都識呀晨d新同學呀?
欣 : 係呀上次出過街玩
媽 : 咁妳幫我招呼下人喇喎




欣 : 好
 
心諗呀媽妳亂入做咩呢?
 
聲..文..琪再一次指住我 : 哦~~~~~~~~
我 : 哦咩野呀你地?
聲 : 都話係呀嫂架啦...同你媽媽都咁熟
文 : 係囉等我仲一直以為你同vicki有路
琪 : 你唔係諗住要曬兩個下話
 




連呀yan都望實我睇我點講
愈講愈offtopic...
 
唉...
點解...點解我今日要不停咁比人抽水...呀淇又唔知去左邊
唉...
 
老豆就去左玩電腦而呀媽就去左睇劇...關埋門我地continue
 
聲 : 係囉你地咩關係呀?




欣 : 朋友囉
我 : 嗯
 
再一次望下個電話...都係咩都無..
 
而家已經差唔多一點...我諗佢都係唔會黎喇...
呵呵我諗我今次又係期望太高喇
 
提一提大家
唔好期望可以約到女神..就算約到都唔好期望佢會真係出黎
就算佢真係出黎都唔好期望佢唔會忽然間走
就算佢無忽然間走都唔好期望你地會玩得開心
就算玩多開心都唔好期望你同女神可以有咩發展
 
過多左陣...個電話震喎




屌你3台點解會sd sms 祝我聖誕快樂架?!!
 
其實佢地都有問vicki去左邊
不過我都唔知又點答到佢地呢?
 
依....今日...老葉好似係今晚上機去旅行喎..
會唔會..
同老葉有關?
 
老實講我都唔知老葉仲鍾唔鍾意vicki
之前vicki話係因為老葉多女圍又花心...
所以vicki先話要分手...
咁即係可能..老葉仲鍾意vicki
 
點解我咁耐都無諗過依個問題架呢?




一直覺得係vicki對老葉餘情未了..
但係忽略左老葉...佢係有無限既可能性架喎
 
yan : 喂..喂喂...做咩啊你?呆曬咁既..
 
曾幾何時...呀淇都好似而家呀yan咁..
用隻手係我眼前揮...問我做咩呆曬..
 
我 : 哦~~無野呀
 
....
 
電話又震...
 
我諗今次都應該係3 sd張月結單過我




李生真係對我地香港人好...服務咁貼心
 
http://www.youtube.com/watch?v=FtIKkuJKAFI  (洪卓立 - Single Christmas)