明明早該放手 但有眼看不到: 第四十四集

我還是點了豆腐火腩飯
味道跟上次的一樣
汁很多飯也很多...當然我們話也不少
 
我 : 幾時泥我屋企玩番個通宵咁呀
 
老實說我有時候很怕寂寞...總是喜歡家中可以有多點人
 
良 : 聖誕果晚?
源 : 我唔知果日有無人約喎




 
他便是這樣
我們這樣所謂的兄弟..他總是放在最後一位
我們約他,就算是約他一個月後
 
佢都會說 : 知得唔得閒~睇下點先
問他 : 咁你有冇約人呢
佢會答 : 冇約人,但如果有人約,我就唔得閒
 
背後的意思是...你永遠排最後,沒其他人約,才應酬你




儘管他的語氣很好很正常
但我還是感覺不到他有把我們當作他最好的朋友
 
我 : 咁就到時先算啦
源 : 嘿嘿...你唔驚我地...
我 : 今年唔玩得!
 
話說去年在那個好很慘的平安夜後的聖誕日
他們兩個來了我家玩了個通宵
一起看了saw..一起晚上兩三點到mcdonald去吃double魚柳包




一起在沒人的街上唱歌
 
他們兩個還拿了我的電話
跟一個女生用簡訊表白
那女生還真信了..很認真的在回覆 (輕輕帶過唔好問)
後來我就真是一言難盡
 
今年你們可別這麼做了!
 
良 : 係囉今年可以玩新人
 
我愈諗愈不安
 
我 : 上年係我..今年點都到你地喇掛
良 : 又係喎..阿源你咁多囡囡是但搵條都得啦




 
良哥仔轉得真係快
 
我 : 係囉..唔似得我..女性朋友再少一個就所餘無幾架喇
良 : 咁又唔係喎你今年撈得唔錯
我 : 屌你你企邊面架
源 : er...咁...到時再算囉
 
今晚其實也挺開心
你抽我水...我也抽你水...卻不會生對方的氣
我跟阿源也相安無事
 
不過他說那頸巾阿欣自己說要給他的...他沒要求過
我又不太相信...反正都過去了...就算了吧
 




我 : 好想唱k
良 : 三個?
我 : 緊係啦唔好成日諗住囡囡先得架你
良 : 屌你我幾時有
源 : 都好
 
其實不知不覺間我有把阿源當作自己的對手
我跟他說話的聲音並不相似..
但唱歌卻是很相似 (可能會post隻有佢把聲既歌)
 
據說連他媽第一次聽也分不出來
他是我第一個能在我唱歌的時候合音的朋友
我懂彈鋼琴...他也懂
我玩勁舞團按的很快...他也按的不慢
 




雖然是對手...但..是良性的!
 
於是那晚我們三個就去了唱了個k
情形我就不說了~相信沒囡囡大家也不感興趣..對吧?
 
回到家後又是上上高登...聽聽會員自彈自唱的lonely christmas
看看聖誕節大家的慘狀...再看看自己的慘狀
 
you've got a message
 
欣 : 約左喇果日6點半
我 : 邊度食?
欣 : 長沙灣
我 : 哦
欣 : 做咩啊你?




 
話說我可以做什麼..不就是哦了妳一下嗎
妳還期待我問妳長沙灣在那嗎?
 
我 : 哦囉
欣 : 哦
我 : 係呢~妳個追求者呢~無搵妳咩?
欣 : 關你咩事啫
我 : 唔關我事妳又話比我聽?
欣 : 心情好咪同你講下囉
 
我心諗妳真係好波...仲以為妳答唔到,好野(拍手)
 
我 : 即係妳今日心情唔好啦
欣 : 係呀煩
 
咁我緊係唔撚覆佢啦話我煩
開個whatsapp搵阿淇先
 
我 : hi做緊咩~~
 
無反應既佢...?
明明見到佢有online