明明早該放手 但有眼看不到: 第三十九集

vicki: 仆你個街 你就仆街...睇下你個頭
講完佢已經坐左係我張床度..
 
我個頭?今次仆街鳥
話說今日我個髮型設計師set到我個頭有d非主流
即刻走入廁所...望到頭上面既雜草我真係欲哭無淚
 
居然係vicki面前7左咁耐都唔知
最衰都係佢...呀唔可以話佢
最衰都係個枕頭設計到我個頭咁




搞左十幾分鍾又洗又吹個頭先正常番d
真係唔知vicki會做左d咩
 
番到出去
嗯..無異樣...無怪聲...
應該無事
慢慢行番入房...你估我見到d咩?
 
...
 




...
 
...
 
我見到vicki係度講電話
 
『哦,原來係佢
佢講野好低b架
成日以為自己好可愛咁
上次同佢食飯,d野黎哂,佢先同人講話要換




搞到我都覺得唔好意思 』
 
 
同邊個講緊野笑得咁開心呀
咪住....
她手上的電話...是我的[shocking][shocking]
 
頂我終於記得自己有d咩未做喇
我未收線!
 
行到入去見到vicki...好似同呀良哥仔吹緊水咁
唔知條抽水怪有無講我壞話
vicki笑住比番個電話我
 
我:喂




良:妳又戴con呀?戴得多對對眼唔好架
我:X9*$^%($&#@
良:點解你新女神會出現係你屋企?!!我報警架!
我:報咩警...我地過左十六好耐喇
良:哦你認左..以下通話已被錄音...等收律師信啦...呀唔係...等我話呀欣知喇
我:巴打 我留意左你好耐
你真係好幽默
我自問都算個ok幽默既人 但係你幽默感比我真係高十幾二十倍
錯 應該係100倍先岩
估唔到我係呢一通電話竟然見識到你既威力
我真係笑到爆左肚 依家一路講野一路撿返d腸呀內臟呀腎呀
塞返落個肚到
你有冇諗過未來幾個月去紅館開棟篤笑?
 
良:高登仔 fuck




我:你自己咪又係
良:你條假毒撚唔好扮野!
 
望一望vicki...仲係笑住望住我...真係好不安
我:唔傾喇...得閒飲茶啦
 
線已收..
望住一臉膠笑既淇姐
 
我忍唔住問...到底你地講左d咩?
vicki:無呀講左你上年聖誕d野咋
 
.........媽的!