明明早該放手 但有眼看不到: 第三十一集

好啦打左咁多題外話,我地番泥故事劇情啦.
 
呀良今日睇泥志不在唱歌咁喎...佢連點都無點歌
我諗佢唔會亂講野掛...至少唔好同果兩條八公講咁多
 
間房夠大..所以都無人聽到我地細細聲傾計
 
我:頂你好好玩咩?
良:你平時都抽得我多啦
我:what the fuck




良:咁老實你鍾意邊個呀而家
我:我中立
良:中你條命
我:對住vicki鍾意vicki..對住呀欣鍾意呀欣
良:屌我真係好欣賞你
我:多謝
良:唔洗客氣...咁你鍾意邊個
我:你
良:唔好gay住...你鍾意邊個多d?
我:唔知...答你唔到




良:咁又係既...新歡同舊愛又的確幾難選擇
我:新你條命;舊你條J...vicki仲鍾意緊第個...呀欣更加唔洗講啦
良:咁你見步行步啦..話唔定會有答案..我買十蚊呀欣
我:我屌你你買咩q野...我又唔係做莊..你早講會叫呀欣...我就唔洗見步行步啦..
良:唔叫...邊有戲睇?我開盤..你買自己鍾意邊個?
 
真係有創意喇屌你...
我二話不說...給了他中指一隻...
然後覺得唔夠...於是兩隻中指比曬佢
 




又係一輪9up...睇泥呀良真係諗係全程睇戲咁
唔明有咩好睇囉...上次呀欣比人約睇戲你又叫埋我
真係咁中意食花生咩?囧
 
呀欣上次bbq都有同佢地傾計...而其他人都好友善..所以都無咩冷場
 
過左陣...係林峰既我們很好
http://www.youtube.com/watch?v=oL8xuAnuLMg    (林峯 - 我們很好)
 
欣:喂陪我唱
我:又係我?
 
點解話又係我呢?因為佢次撚次唱k都係點埋曬d男仔歌然後叫我唱
然後佢自己唱到勁細聲
 




話時話佢唱歌都只係普通岩音...無咩真假音轉換..技巧可言
 
''做夢亦記得　與你初相見那十秒
迷糊地心跳安坐著　都像飄
 
遠遠看著未來　連動作語氣都太美妙
直到很珍惜的不見了 堡壘也動搖 ''
 
話說我都幾鍾意依隻歌...
陪著妳一起,但有著距離....歌詞好中
 
以前真係好鍾意呀欣
就算係俾佢當做玩具都會覺得好開心
因爲俾佢當玩具即係代表係佢心目中仲有我既存在
就算係水泡又好..避風塘都好..都係佢心有一個地位..




 
但愛情..真的有必要這麼卑微嗎?
 
好啦唱完啦...
 
以前真係會因為呀欣中意邊個歌手
我就聽曬邊個歌手既歌..所以佢一直以為我係聽得歌多
而從來都唔知道其實我唔撚中意林峰
 
好啦下一隻...
周杰倫...退後
邊個咁有品味?
原來係vicki點既
 
vicki:你唱




我:點解?
 
囧妳做咩學呀欣?
睇佢玩味既眼神...我都知
 
如果我話唔唱
佢一定會講:你唔會燒比佢食唔燒比我食架可?
呀唔係...係你唔會唱比佢聽唔唱比我聽架可?
 
我聽得歌多...識唱!
當我一開始唱
我就發現點解vicki只係點一隻歌...仲要係退後
 
''天空灰得像哭過 離開你以后 並沒有更自由
酸酸的空氣 嗅出我們的距離 一幕錐心的結局 ''




http://www.youtube.com/watch?v=zMX1T41M2cM (周杰倫 - 退後)

屌妳明曬...唔知係我諗得多左定點
擺明隻歌就係講緊妳同有錢仔啦
但係要係我把口唱出泥?!
 
愈唱愈sad...不過又無smiley face咁sad
歌詞充分指明佢好撚掛住有錢仔
 
''我知道你我都沒有錯 只是忘了怎么退後
信誓旦旦給了承諾 卻被時間撲了空
我知道我們都沒有錯 只是放手會比較好過''
 
妳真的認為放手會比較好過嗎?