明明早該放手 但有眼看不到: 第二十六集
又係時候番屋企訓覺
因為今日我既心情起伏真係有點大...好多野諗..相信周公個女可以比到個答案我
同埋真係好眼訓
坐我身旁的vicki早已不知所縱...
不是說好天天都一起走的嗎?怎麼不說一聲就不見人了?
當一個人習慣了某些事物的時候...忽然消失...會令人總感覺少了點什麼的
大概我就是這樣吧
已習慣了天天放學都跟她一起回家...
從開始的緊張..不知要說什麼
慢慢變得自然...輕鬆..開始不怕與她單獨相處
有時候更會有點小開心...期待著放學時那段可以跟她談天說地的時光~
也許今天心情不好..感慨也特別多
媽的...一個人回家而已...會死嗎...想這麼多幹嘛~
於是我便一個慢慢地向家的方向走去
真有點想我的床
講講自己吧...我是一個習慣後便不喜歡作什麼改變的人
因為我會覺得自己失去事物的控制...大概安全感對我也很重要吧
就像是那個看慣陳奕迅演唱會..不能看林峰的伯伯吧?
X:你行得咁慢架
一把聲打破了我沉思....vicki
我:妳...妳點解會係度既?
vicki:等你囉
我:等我?
vicki:唔係企係度做咩?
她一臉微笑...似乎在一點一點地洗去我今天心中的不快
見我還是一語不發的站著..
vicki:行啦..番屋企
我:嗯
二人漫步於樹蔭下~夏天似乎快要離開
一陣微風吹過令我臉上一陣涼快...心..似乎也平靜下來
vicki:今朝點解唔講?
我:講什麼?
vicki:你唔食番茄囉
屌最衰都係李彥琪....我遲疑了一會
我:唔緊要啦...妳今朝一番好意請我食早餐
口不對心...她媽的我以後不會再吃番茄了
她笑了一笑:原來係咁...唔怪得知你今朝怪怪地啦
媽的我還以為自己演技十分...想不到她洞察力如此的高
vicki:唔緊要啦!我下次做無番茄既三文治咪得囉!
我:唔洗啦...佢唔係鍾意番茄既咩?同埋唔洗專登整埋俾我~~我食唔食早餐都無問題的~
我發覺我咁講真係有d酸酸的味道...但係我的語氣還是控制得很好的..自然而隨和
vicki:邊個佢?
我:葉生囉..妳咪扮野啦淇姐...愛心早餐丫嘛
vicki:邊個話係整俾佢食架
我:唔係咩
vicki:我整俾你食架
什麼?!
我:我知...整多左俾埋我食丫嘛
vicki:唔係呀...都話整俾你食架咯
我:下?
整俾我食.....明明係妳自己今朝話整多左...而且有錢仔
vicki:佢個份就真係整多左
點解佢知我諗咩架...我一直以為係佢整比有錢仔食...整多左既就俾我
點知原來係掉番轉?
咪住...我好難相信囉...雖然聽到真係好開心...但係我對佢講既野都係有所保留
心情好似過山車咁又上又落好易爆血管...所以我決定問清楚先
我:咁你做咩整俾我食..唔係應該整俾佢既咩?
vicki:都話左要放低佢咯
她說的看似很決絕...只是不知..妳做不做得到呢...
但係都無理由整比我食架...難道是想找我當代替品..好讓她忘掉有錢仔？
先不說這樣會對我很不公平...而且也未必有效..況且她不會這樣做吧?
我:咁做咩整俾我食?
我再一次問這個問題..
只見她遲疑了一會...語氣開始變輕
vicki:你陪我食糖水...又聽我講咁多...咪諗住整份早餐你食囉...人地點知你唔食番茄架姐
應該是看出了我的疑惑...
vicki:仲有份真係整多左咪比其他人食囉...呀yan佢地都有食架
屌點解果兩條友無話我知...白白唔開心左成日
我:係..係咩?
我都真係唔知比咩反應好
vicki:係呀傻仔...下次唔落番茄喇
我:嗯...
信住妳先啦...女仔係一時一樣既...話唔定今日要忘記佢..聽日又要溝番佢
番到屋企~本來想訓...而家又訓唔著了
今日心情真係又上又落..彈下琴平伏下心情先
係喎...講好打比呀yan..同佢傾架喎
屌我無佢電話...點解識左就快三個月我都可以唔記得問人拎電話架on9
而佢都唔記得原來我係無佢電話的
打俾vicki問囉....
vicki:喂....你係..呀晨?點解打比我既?
我:哦..掛住妳囉
vicki:掛住我?你好似半個鍾前先同我講byebye咋喎
我:er...又好似係喎
vicki:講啦做咩事搵我?
話時話我都真係好少打比佢...
我:er...我想問妳拎呀yan個電話
vicki:你無咩?~搵佢做咩先?
她語氣開始變得玩味...似乎又在懷疑點什麼了
媽的我喜歡的是妳...至少暫時是
我:em...我同佢約好左音樂堂表演..咪諗係打比佢傾下囉
vicki:你地幾時咁熟架?
屌你問咁多做咩姐..俾我啦
我:下...唔係好熟咋嘛...
vicki:都話左你想溝人地架啦
我:都話唔係...係都溝妳先啦
我承認我玩緊火
vicki:算吧啦你..你仲有個呀欣..幾時會得閒溝我?
係喎...仲有個呀欣
對住vicki...我又點會諗呀欣呢試問
做人要睇時間場合來專一...
我:講到呀欣...我都唔知自己係咪仲鍾意佢
vicki:你一時一樣架
我:唔係...我已經唔知自己係真鍾意佢..定係習慣左鍾意佢
其實兩種真係好難分...
是因為從一開始喜歡上她...開始習慣有她的日子...
到後來講鍾意佢..一直過左好耐...
已經好似潛意識咁認為自己鍾意?
但我只知..我還是會因為呀欣而失落...為她而高興
所以...其實我也不知道
vicki:咁咪唔好諗咁多..順其自然囉...
她的語氣又down down地
我:做咩呀妳...要唔要哥哥開解下妳?
vicki:哥你個頭..大我果幾日
我:玩下姐
大家唔好誤會..我唔係厹...我玩下架咋..唔好鄙視我
vicki:有個男仔想追我
唔係掛...屌你又泥?