明明早該放手 但有眼看不到: 第二十三集

今次好似無上次咁緊張,彈既係雪映移城(tvb紅葉瀛風主題音樂)
少左按錯制
彈完之後見就快打鍾鳥
 
yan:彈得好過上次喎
我:多謝!我地上去啦~就上堂喇
yan:嗯
 
於是我地就番課室鳥
一入去諗住番自己個位,見到有錢仔借左泥坐




我同佢眼神好快就有接觸
佢食緊野,番茄三文治,我今早吃過的番茄三文治
呵呵...難怪她說給我的那份是多出來的
這些機會顯然不是屬於我的
 
有時把自己放在低位..少些期待...不快樂和失望會小很多
例如你約了女神...千萬不要太期待..要有女神不出現的心理準備
若到時她出現了,也不要興奮,她很可能下一刻便會離開
要開心..就等出完成日街番到屋企先開心..咁會少好多煩惱
(大家可以試下..不過又真係好難唔期待既....)




 
係我諗以上幾句廢話既時候..其實都只係過左幾秒
只見葉文晨眼中有點奇異的眼光和半點敵意在我的周圍掃射
我望下格離
今次仆街鳥,你唔係以為我想溝你溝緊既呀yan掛?
屌你食緊前女友既三文治;諗緊溝新女?!
 
呀yan出奇地在我眼前揮了揮手
 
yan:你眼定定做咩?




我:啤妳隻有錢兵 無野啊~諗緊自己坐邊
yan:你咪坐果度囉....咦?
 
她指著我的座位..並向有錢仔方向望去
X:做咩互啤呀~爭女呀?
 
一把聲音打破了這不gay的對望
是李彥琪..這傢伙真的是唯恐天下不亂
 
yan:爭女?爭咩女?
琪:唔知喎...妳問佢地兩個
我:我無你咁好氣..
 
我憑什麼同人爭?
鋼琴vs小提琴 打和




成績 打和
人緣 打和
與囡囡熟悉度 未知
樣 大家都正常人
錢 好喇你已經贏左
 
李彥琪打破左我同有錢仔對望既局面,而有錢仔都番左去自己個位
把桌上的麵包碎掃走...我的心情有丁點低落
大概是因為那多餘的三文治吧?
我想...我真的有點喜歡坐在我身旁的那位了
伏了在桌上....而身旁的vicki也沒有叫我...
直到頭兩堂完左....已經係小息了...
 
X:呀晨...呀晨
 




我心諗邊個叫有錢仔叫得咁親熱呀
點知無啦啦有人拍我?屌我無心情呀
一抬頭..係呀yan
他媽的我忘了自己也叫呀晨