明明早該放手 但有眼看不到: 第十九集

於是這個燒烤日便在安然地完結了
大家一直玩到下4點幾~
不過我都係覺得係屋企訓覺好過
 
巴士上
 
vicki:幾令ㄚ佢
我:什麼?
vicki:呀欣囉..估唔到今朝一講完就會見到佢
我:係囉,我都估唔到~




vicki:咁其實你仲鍾唔鍾意佢?
我:我諗好難會鍾意左咁耐忽然間唔鍾意既
vicki:咁唔去馬?
我:去咩馬..以前咪死過一次,死完又死咪好慘
vicki:你地d男仔就係咁,無膽到死
我:車..唔好講我,咁妳呢?
vicki:我有咩?
我:妳唔係仲鍾意葉文晨既咩
vicki:有咩?
我:有.妳今日玩true or dare緊時自己都講過啦




vicki:我話鍾意呀晨咋喎,有話係佢咩
 
想陰我?!邊有咁易,反正妳都應該係仲鍾意佢架喇
 
我:今日天氣幾好喎
vicki:傻仔
我:做咩成日叫自己?
vicki:唔同你玩,一陣有無野做?
我:有
 




vicki:做咩~?
我:番屋企同周公個女拍拖
vicki:扯..無唔無聊d呀,聽日放假喎
我:咁妳想點?
vicki:食糖水!
我:又食?!
 
唔知點解佢咁鍾意食糖水
但係我比佢拉左去尖咀既某一間甜品店
去到果陣5點幾無咩人
 
我:點解食糖水要山長水遠出泥尖咀呢大姐?
vicki:佢就係係度同我講佢鍾意我
 
咩料,佢成個人down曬咁..幾分鍾前仲有講有笑咁串緊我




佢咁既情況證明左兩樣野
第一就係佢真係好鍾意有錢仔
第二就係有錢仔好鍾意一邊食糖水一邊溝女..屌佢成個腦都係甜野
 
我:係咩?咁妳想食咩糖水?
 
屌真係我講出口都覺自己on9,人地咁sad仲問人食咩糖水
 
vicki:是但
 
屌佢又真係答架喎
是但叫左兩碗野,見佢依然悶悶不樂
心諗,明知唔開心又要來,時下既後生女真係...
 
我:唔好唔開心啦,最多我請妳食糖水




 
自問真係唔識講野哄人開心同埋好多野係講完先知on9的
只見她面帶微笑抬起頭來
 
vicki:傻仔
 
有無變臉變得咁快?係我哄佢有效?好顯然不是
扮心情低落玩我?唔會..有時真係諗極唔明