明明早該放手 但有眼看不到: 第十五集
話咁快我已經係新學校讀左一個月~識左好多唔同既人...亦都同陳梓文..李彥琪..馮芷欣等等既人熟左唔少..
當然最熟既係vicki啦~..坐格離ma~至於有錢仔...我就比較少同佢交流..可能我窮掛.
係十月既第一個星期六~我們約了去燒烤
''我沒有為你傷春悲秋不配有憾事,你沒有共我踏過萬里不夠劇情延續故事...''電話響起了..
是vicki
我:喂咩事呀啊吳樂淇
vic:起身喇張樂晨...約左燒野食呀今日
vicki中文名叫吳樂淇..同我一樣有個樂字,但係平時大家都叫開佢英文名
都唔明班人燒個野食做咩要約咁早..晨早流流緊係訓覺架啦..邊會有胃口既姐
我:比我訓多三五七分鍾先啦求下妳
同佢變得愈來愈熟...講野都愈來愈唔洗經大腦
vic:你求我都唔得喎...起身啦樂晨
佢語氣一溫柔我就驚驚...因為次次都無好野
我:得..比三五七分鍾我起身~
當我落到去屋企樓下既時候..佢已經企左係度等我
哇...這還是她嗎?
今日既佢同平時好唔同...平日既馬尾放左落泥...長直髮好令 ...戴左con...原來可以咁令
上身係緊身tee,下身係牛仔短褲..好睇得泥又唔mk ,gd!
原來...身材都幾勁...唔知一隻手...呀sor講好唔加甜野
無化妝但係已經好令...(個人真係唔鍾意濃妝艷抹既女仔)
原來我一直睇少左佢..平時係學校已經幾令~估唔到出街服裝仲令
vic:o曬咀咁做咩...見鬼咩?
我:哦...無野...見妳今日咁..特別..
她笑了笑:走吧
同女仔單獨相處依然係我最不自然的...有人話過
這世界不是男就是女..只要不把那些美女當女生...自然就可以不怕跟她們相處了
就好像...一個美女售貨員...因為對我而言..她的身份只是售貨員..而不是美女
當然..我還是做不到...於是我帶了我的入耳式耳筒
準備在車上睡上一覺
星期六的早上..巴士上的人不多...我們走到上層坐~
我快手地拿出耳筒..打算在拍乳..卓立和eason的歌聲下發個好夢
因為,我真係好驚同令女相處，雖然已經好熟..但係仲係唔慣
vic:做咩一上車就聽歌訓教唔理我?
我:我...眼訓...
vic:唔得...陪我吹水
她的霸道mode又開了..她有很多面..時而溫柔..時而活潑...時而沉默..真是令人有點看不透的女生..
說罷她便狂搖我...如果大家問我比令女搖有咩感覺..我只可以講...好暈
我:好喇好喇
vic:不如你講下你以前d野~
我:做咩無啦啦咁問
雖然我們這個月常常聊天..但卻很少提起我以前學校的事
vic:無呀...朋友緊係要關心下架啦
她不是又有什麼陰謀吧?
我:敢咁多野..你想聽邊d?
vic:你拍過幾多次拖?
一泥就問d咁既野,起底?
我:我無拍過拖喎
還好我不怕這問題
vic:咁有無鍾意過人?
妳好野..咁既問題都問得出...不過true or dare都可以作假答案啦..我唔怕妳既
我:下..無喎~
vic:真係?
我:真過白色珍珠
vic:無呃我?
佢既眼神可憐到好似我真係呃佢咁(雖然我真係呃佢)
我:唉..有喇有喇..
於是我便把呀欣既事講左比佢知...
點知...講講下..佢訓著左
都唔知邊個話要吹水既...
她的頭正正是在我的肩上...
閒到佢既髮香...見到佢精緻既五官...真係幾令(我都不知道說過多少次了)
我望著她..笑了笑..她的咀微微張開...不知道會不會流口水呢..呵呵
不要問我比女仔訓博頭係唔係好爽
其實並唔係tvb膠劇入面咁正的...她睡著..我連呼吸也不敢太大動作
生怕把這沉睡中的主角弄醒
整個身體一動不動的維持超過半個小時...比一日打幾次飛機仲攰
終於到鳥~
我:喂~~起身喇...
vic:嗯?到拿....丫..sorry呀...
我輕輕一笑:唔緊要
大家約了在西貢某燒烤地點集合,所以不怕遲到~
那時~大家都已經到了~陳梓文同李彥琪在一邊透緊爐~而另一邊..是馮芷欣...還有葉文晨
馮芷欣一身休閒外出的服裝,沒什麼特別,可能是平日的她已經很美,所以沒有太大的視覺衝擊吧?
而葉文晨...什麼?...裇衫?洋式背心?MK仔頭?....你是來燒烤的?傻的嗎?
望望身邊的vicki...難怪她今天穿得特別唔同...原來有錢仔係度...
我走了去透緊爐的兩位身旁..
我:呀文~做咩有錢仔都係度既~?
'有錢仔'係我地幾個對葉文晨既稱呼.
文:好似係馮芷欣叫佢泥...
語氣中似乎有點不滿啊...
琪:呵...有錢仔一泥,你兩個都唔洗溝女啦..
呀文想追呀yan我知..但係關我咩事呢?
我:我有咩女要溝?
李彥琪指了指坐在一旁的vicki
我:你傻的嗎?我同佢係好朋友~
琪:係唔係你自己知啦
好囉...一開波就收我皮...你講曬既姐..
不過其實我的確對葉文晨沒什麼好感...不是因為我是窮撚仇富
而是因為...我認為佢根本無認真咁對女仔..
好似vicki又令女,性格又好...仲咁鍾意佢..有個咁既女朋友,佢仲要同其他女仔做埋d曖昧行為
咁好hurt自己女朋友姐?我諗我唔係因為vicki鍾意佢,所以我對佢反感...掛
況且好多時候第一印象決定唔少野..佢同我調位果下我都已經唔多鍾意~
不過人不犯我,我不犯人..所以我都笑笑口~
透爐既事完全係我地三個完成,而有錢仔則坐埋一邊同兩條囡囡吹水...
難道他真的以為自己是高人一等?沒人知道~
正當我坐低抖陣既時候...sms又來了
係咪次次屎忽都未坐暖就有sms既呢...明知我最唔鍾意sd sms
呀欣(sms):做緊咩啊~?
我(sms):同班同學係妳屋企附近燒野食~妳呢?
呀欣(sms):燒野食咁開心?我岩岩先訓醒XD
心諗真係好有得訓到自然醒..難為我晨中流流比人叫醒
我(sms):係呀,妳泥唔泥~?
呀欣(sms):好喎..你d同學介唔介意架?
我(sms):下?妳認真?
老老豆豆我諗住是但問下佢客套下...以我平時熟悉既佢應該唔會泥...
做咩今日咁反常..hi大左?
呀欣(sms):下?你講笑架?我以為你講真架..
sms真係好撚煩...我決定用番最方便快捷既方法...打電話
我:喂呀欣妳係咪泥?
欣:係呀..你係邊度燒緊?
佢今日咩事咁認真-.-
我:哦..係XXXXX果邊囉...
欣:好~一陣果泥搵你~
話時話講到而家我都唔知佢係真定係假..不過無所謂啦~
於是我就同其他人講:我個fd一陣可能會過泥同我地一齊燒...介唔介意
而大家都話唔介意~
李彥琪:係咪女朋友呀?
頂你..岩岩先話完我想溝vicki..而家又無啦啦送左個女朋友比我?
我:唔係..
李彥琪:難道係男朋友...
我:女仔泥既.
李彥琪:令唔令女架?
條友真係好撚煩膠..
我:你一陣自己睇咪知