明明早該放手 但有眼看不到: 第一集

附上主題曲一首
http://www.youtube.com/watch?v=UZnx5quV2rQ


我叫做張樂晨，今年都十七歳喇。
我無米八，至於係唔係巨棍就見仁見智。
個樣可以話正常,絕對唔係話靚仔但又唔算係太柒咁啦。
 
我有一個老豆一個老母，住係普通私人物業。
老豆係普通既打工仔，老母都係一個普通家庭主婦。




同好多人一樣，我只係一個普通中學生。
 
而咁普通既我又有咩特別呢？答案係無，我真係好普通！
 
我間學校都算係一校規正正常常，可以食Ｍcdonalds既學校。
不過其他我就唔知喇！因為我係轉校生…
而今日正正係我放完暑假番學既9月1日，係我係新地方番學既第一日。
 
點解我會轉校？因為早幾年讀得唔錯，老母話去間入大學機會大少少既中學喎…
咁身為一個孝子既我，當然要順從佢既意思啦…




於是我就係舊同學既歡送之下，展開了我人生既新一頁。
 
講番我自己啦，其實由細到大，我都唔係好幸運果種人…
記得小學既時候，一個水樽從天而降，個個都唔中，係中左我…百幾人排緊隊喎，點解係我先？
同埋好似做好多野，都總係有小小意外，要搞好耐先搞得掂咁…
呵呵，不過我都習慣曬喇…
 
至於戀愛？我就緊係無試過啦，早幾年一直戇鳩鳩咁讀書，而且唔知點解，我總係覺得自己唔識同女仔溝通。
傾唔夠一陣，就好似冇曬話題咁，所以咪一直平平淡淡咁過左幾年，女仔朋友都唔多個呀。
著左新校服既我望住鏡入面條友，心諗中學生涯我點都要溝番條女，拍番次拖先得！




 
搭左十分鍾小巴就去到我既新學校，通普書院。
屌間野連個名都咁撚普通，唔得掂喎。
唔大又唔細，女仔校裙唔長又唔短，我心諗間野都真係同個名一樣咁普通。