小智遇上比卡超唔係巧合係有動機

小智遇上比卡超唔係巧合係有動機 

係寵物小精靈世界入面，每位年滿十歲既小朋友都會有資格獲得一隻小精靈。 
係小智居住既純白鎮，分別有得選擇既係 奇異種子，小火龍，車里龜。 

小智清楚知道每位小朋友10歲一定獲得小精靈。 

一定，小智明白一定的意思。 

小智只係靠電視接觸小精靈資訊， 




以往後既對決可以睇得出，小智係唔識屬性相剋等知識。 

而小智最深刻既對決係大岩蛇對耿鬼，家裏既裝飾係波波時鐘。 

推斷小智對小火龍等三隻精靈並無特別既喜愛。 

而小智深知純白鎮今年有4位10歲既小朋友，3隻精靈係唔夠4位小朋友分。 

所以小智決定以退為進，賭一次。 





小智知道如果4位小朋友同時向大木博士索取精靈，而精靈得3隻，會令大木非常之難堪。 

所以小智決定扮厚道，以遲到為借口，先比另外3個小朋友拎精靈先。 

小智唔係一個蠢人，佢知道自己第一個拎同第四個拎都無分別。 

因為佢對3隻精靈無特別喜愛，亦知道10歲小朋友一定能獲得小精靈。 

小智計算自己即使是最後1個拎精靈，亦只會有2個下場。 





第一，是另一批小火龍等3隻再供選擇。這樣反而可以三選一，而第二位或第三位小朋友只能二選一 
第二，是獲取其他小精靈。 

而所有小精靈對小智眼中其實係無乜太大分別。 

最重要係小智呢個舉動係為長遠發展。 

第一，令大木留下好印象，同其他焦急既小朋友形成對比。 

第二，小智睇得出大木貪戀自己母親，相比起自己個孫，大木應該更想討好小智。 

小智決定做個順水人情，令大木不致難堪並且解決困難，更令大木會當自己係自己人，以方便日後旅行。 

而且小智深信寶物沉歸底。 





所以小智認識呢個局賭得過。 

最終小智亦順利扮遲到，最後1個抵達大木索取精靈。 

大木亦順利配合拎出與眾不同既比卡超比小智。 

以往後既發展睇，小智多次得到大木幫助，亦証明小智既計謀係成功既。 

由此可見，小智係有動機先遇上比卡超。 


另外，我覺得值得一提既事情有2樣。

第一，如果我係小智，我會選擇奇異種子。 
小智曾經遇上車里龜消防隊，比卡超族群同噴火龍山谷。 





推斷呢3隻精靈並唔係罕見。 

相反，係旅行既途中奇異種子基本上無野生出現過，除左小智個隻。 

所以奇異種子既珍貴度就高下立見。 

第二，四位小朋友既身份。 

我地玩game既時候，我地角色係red，而且我地有得第一個選擇小精靈。 
第二個選擇既係勁敵green，佢會選擇相剋red既精靈。 

我認為第三個選擇既係小，因為佢係大木個孫，基於禮讓都要比2位選擇先。而動畫入面小亦係比小智更早去拎精靈，但佢又唔係red同green，所以好大可能第三位就係小。 

而小智因為心計成為第四個小朋友。 





以上可見，red同小智係確實2個人。亦解釋小智同red既年齡同樣貌，點解會咁相似。 

而可幸既係，純白鎮既小朋友非常優秀，全部做晒聯盟冠軍。