今個學年,我多左三個女室友: 39

這...我該如何說出口。

阿Cat也留意到我神色有變,靠近我身邊。
「阿An係咪有咩事呀？」
「尋晚阿爸阿媽交低左封信俾我...」

我把信拿出來,阿Cat接過了,阿Kay和Amy也注意到了。
「四強抽籤已經完成,HKU既對手係....唔係掛？」
「係邊個呀？」



阿Cat也看著Amy。
「唔係掛？真係我地呀？」
我們呆了一陣,都沒有說甚麼。

「阿An...咁你打算點？」
「仲有三日就比賽,我覺得就算我地住埋一齊都無問題,反正一早就申報左。」
「嗯...你話點就點啦！我地都係唔好講咁多野啦。」

Amy的反應異常的冷靜,令我更加擔心。
我擔心的不是她能否接受我是她的對手的事實。



而是擔心我自己...我可以狠下心腸將她和TMG擊敗嗎...
 
回到佐敦的住所,Amy便動身前往與TMG練習。
而我們也不放鬆,也前往另一個球場練習。

「AnAn呀,你岩岩先打贏班兄弟,依家又要對住班姊妹...」
「唔怕架Daisy,我地呢隊唔只得我,仲有阿Cat,阿Kay,同你呢個義工呀麻。」
「係囉Daisy,我地阿An先係學界ling王,一定會贏既。」



我們這兩天的練習都只是常規式訓練,沒有新招數。
夜晚回到家中,Amy只透過Daisy或家姐給我們傳訊。

除了吃飯和出入住所,不談其他。
這兩天的我們形同陌路,我更加不敢想像我們誰人輸了這場時的情景。

終於,1月20日,上午09:00。

「AnAn...」
「AnAn呀！」
「AnAn！起身呀！」
我瞪開眼就看到Daisy在扯動我的手,要拉我起床。

「Daisy？」
「AnAn呀！今日四強啦！快d起身煮早餐俾我食！」


「下？唔係應該你煮俾我食咩？」

「你唔煮俾我食我點做啦啦隊幫你打氣呀？快d起身,阿Cat同阿Kay都等緊你啦！」
我便坐起身,靠在Daisy身旁。

拿起床頭櫃上的電話,有來自阿J和Miss Chu等人的祝福。
Daisy接過我的電話,幫我逐一回覆了。

我親親Daisy的小手,便下床去梳洗。