今個學年,我多左三個女室友: 31

我們收拾好裝備,與阿Cat一同前往球場練習。
在球場內,Daisy佔用著球道,我便讓她盡情的玩,我坐在選手席上,跟阿Cat看著比賽回放。

「阿An,你對住你班舊隊友,會唔會好難受？」
「唔會。反正今次抽唔中,下次都會中。」
「佢地三個既實力,我相信你仲清楚過我啦！」
「係...佢地的確係好難打...」

阿Cat捉緊我的手。
「阿An,放心啦！我會幫你贏架。我已經幫你定左幾套發球方法,你試下。」


她便向我展示片段,我重覆看了幾遍,就上前嘗試了。

試了幾次,都差一點點,但又說不出差甚麼。
坐下來休息了一會,Daisy給我們買了兩支水。
我看著這支水,想起了以往在母校練習的點滴,傻笑了一下。

「AnAn笑咩呀？」
「我諗起以前同TBG練習個時...每次我地練到幾辛苦都好,都無人買水俾我地。個時真係都幾灰架。仲要自己出錢打比賽。直到我地贏左第一個學界,學校開始留意我地,又加入左Miss Chu,先至有經費搵好d既場,請助教,買水...諗返起個陣時我地4個一齊飲一支1L,真係都幾on9...」

「阿An...你都識講,今次唔打,遲下都要打。今次要證明俾所有人睇,你先係學界ling王。」


「AnAn...」
「無事喎！做咩姐你地,依家生活都唔錯呀！」

練習了數小時,大家都很疲累,我們便出外吃飯。
「AnAn呀,我食一個好多呀！你同我share呀不如。」
「好呀！」

這時阿Cat拉拉我的手。
哦...對了,Daisy和阿Cat兩人都吃不下一個套餐的份量。



「不如咁啦...你兩個食一個餐啦...你兩個都咁細食。」
「好呀！阿Cat你唔介意可？」
「嗯...係Daisy既,無問題呀！」
Daisy去了取位子,我和阿Cat在外面看著餐牌。

「阿Cat...多謝你,又幫左我一次。」
「我明既,我都唔想Daisy咁傷心。」
「阿Cat你真係唔介意？」
「介意咩呀？」

「你頭先唔拉我,我真係唔記得你都食唔哂d野食。」
「我一早就知你同Daisy既關係唔簡單啦！」
「阿Cat...其實...」
「得啦阿An...我明白。」



她牽著我的手,我向她的雙唇吻下去。
縱使是吻著,我仍感覺到她在笑。
「你笑咩呀？」
「無呀！買野食啦！」

結果她們就點了一個飯餐,也真的很多分量,我想是我也大概吃一個就飽到走不動了。
我坐在她們的對座,Daisy在我的前方,阿Cat在她旁邊。
看著她們像姊妹一樣的分享,也不太需要擔心了。

突然感到小腿被撩動,自鞋以上掃到膝蓋,又掛在我的大腿上。
我抬頭瞄一眼看看Daisy,她正很含蓄的笑著。

我向她微笑點頭,她便雙腳都放在我大腿上,腳腕扣著我的膝蓋。
她們兩人吃了很久,而我早就吃完自己的一份,拿著凍飲看著她們。



這晚我們牽著手,步行回家。