今個學年,我多左三個女室友: 27

接下來,開始第二盤。
Amy從袋中取出一個紅色印有火焰圖案的球,使用它作賽。
頭幾局都打得中規中矩,只是顯然對手也知道她們體力不繼的問題,每次發球都非常急促,不多加考慮。

Amy拿起了那個球,每一球都打得很輕鬆,終於拉開了分數。
對手似乎意會到危機,開始認真起來,表現也逐漸穩定。
分差差距在20分左右徘徊。

一局接一局,Amy,阿玲,佩心輪流用著那紅色的球,越打越起勁。
終於來到第9局。阿玲使用她的強項,直線發球。


球速頗快,直奔1,3號樽的位置。
阿玲一貫的維持發球姿勢在球道前,凝望著這一球。

全中。屏幕上打出分數,肯定了這一球的結果。
阿玲高興得回頭擁著Amy和佩心。
全場也給予掌聲鼓勵。

輪到台灣國立大學的發球。他們的隊長親自上陣。
他打出了一球右迴旋,只打倒了七個瓶。
這下可是勝負已定了。只要Amy她們不是三球落坑,都可以輕鬆勝出。



她們做到了。
 
完賽後,賽事小組公布結果。
Poly, PANDORA, VIRGO及SINGAPORE SENTINELS均晉級8強。
Amy也下來跟我們慶祝。她第一時間衝向我,一躍就進入我懷抱之中。

「阿An...多謝你呀！」
「唔好咁大聲啦！仲有好多人架。」
「點解你會...」


「係阿Cat先發現你地用既波有問題,所以佢同我講。加上我同你地打咁多年波,都知你地會頂唔住,咪...囉。」

「咁但係個波...」
「放返入櫃啦快d,係咪想畢左業咁耐都返去俾Miss Chan鬧呀！」
「原來真係Miss Chan個波...」
她便將球袋拿到儲物櫃收好。
阿玲,佩心二人都來相擁,接受祝賀。
 
這天比賽完結同時也即時進行8強抽籤。

「Poly對JOKERS」
「PANDORA對TEAM SOLID」
「HKU對CUHK」
「VIRGO對SINGAPORE SENTINELS」



抽籤結果已出爐,我立即看著阿Cat和阿Kay。
「阿An你做咩呀？神色咁凝望既？」
「CUHK...佢地...」我一路說,頭一路都低下。

「CUHK...即係阿J,細晞,同雨涵佢地....」Amy給阿Cat解釋。
阿Cat拍著我的手臂,家姐也牽著我的手。

「無事架。反正依家唔見,決賽都會見架啦！不如早d打過,大家都可以鬆啖氣。」
她們也放鬆了心情,跟我一同離開球場。
我們去到了一家酒樓。
家姐進去後拿出一張卡片交給一個侍應,他走到酒樓內更深的地方,回來時帶著一個穿西裝,身型高挑的人。

「喂蠍仔,Hailey！好耐無見啦喎！咁好帶朋友仔來食飯呀？」
「係呀！頭先同蠍仔去睇同學仔打比賽,咁佢地贏左晉級,咪慶祝下囉。」
「哦..哈哈,恭喜哂先,來啦,跟二叔入來,岩岩有間房埋左單,俾你地用先！」


「多謝二叔！」
「叫得二叔就咪客氣啦！你細個上來呃我三點三都無客氣啦！依家大個講呢d！」

我們就跟著二叔進到一間廂房坐下。
投票決定了,天氣太冷,還是火鍋比較好。
雖然我們只有八個人,但享盡特權的我們又怎能跟外面的散客比較呢？

我們分開2個鍋吃。阿玲,佩心,Amy和Daisy吃一個。我,家姐,阿Cat,阿Kay一個。
「哇！呢碟肥牛真係好靚喎！」阿Cat很驚訝的品嚐著。
「緊係啦！我地係邊個呀？VVIP喎！」Daisy也是很滿足的吃著配料。

「家姐呀...我地咁樣...如果二叔又唔收錢,又俾阿爸知道左,我地咪死得？」
「乜你都驚死架咩？頭先咁夠膽傳紙仔都唔驚死,依家食餐飯驚咩呀？」
「唔係呀...我真係唔想又食又拎...好似個衰仔咁...」
「得啦！頭先同二叔講掂數啦！食左幾多,收半價,不限時,加簽免費泊車,算係咁啦掛。」


「哦咁都好d...」

這晚大家很高興,我們直落唱k,到凌晨三點才離開。
家姐的座駕勉強能坐滿我們8個人,於是便先把阿玲和佩心先送回何文田,再折返佐敦。

我很累,回家後Daisy和我都是直接倒在床上睡了。

直至第二天的12:00。