今個學年,我多左三個女室友: 18

這天我和阿Cat在學校圖書館溫書,旁邊沒有其他人,但身後卻是一堆支持者。
多虧我的表現,阿Cat也頗有名氣,有不少讀電子系的學生也來圖書館見她一面。

「An....覺唔覺得好多人講緊我地...」
「係咁架啦！鬼叫你依家咁出名咩？去到邊都係咁多厹架啦！」
「咁...你個堆浪蝶呢？」
「慣哂啦！我一向都唔理佢地。只係....」

「只係咩呀？」
「我怕...我怕佢地知道我同你...佢地會傷害你...」


「An...唔緊要架！我知道同你一齊係開心既,同你打波我覺得幸福,咁就足夠。其他人點睇,我根本唔介意。況且,如果佢地真係唔抵得我,你會保護我架麻。」
「係...」
我摸摸她的頭頂,她便把額頭貼在我的額上,合上了雙眼,另一隻手在撫摸我的掌心。

隔一陣,我們放下了筆記,攜手到外面買飲品。
回來的時候,阿Cat的筆記上多了很多字條。
「Hello,我係engine既Peter呀！我想同你做個朋友。」
「我係creative media既Tom,得閒call我。」

這些都是比較規矩的,只是阿Cat揭到下面幾張時,她吃了一驚,捉著我的手要我看。


我看見她驚嚇之餘眼泛淚光。我牽著她,拿過字條一看

「幾錢一晚？斷鐘點計？」
「跟個on9仔有咩好？跟我好過啦！」
「點呀？我會帶套架喎！保證你爽到震！」

我看了幾張已經不堪入目,放下了字條,收起了筆記,也替阿Cat拿起了手袋,起身攬著她快步離開。
中途有不少的厹仍想跟上,但多虧我的支持者把他們塞在門前。

我領著阿Cat往校門方向前行,她已經哭了出來,雙手緊捉我的手臂。


我在一個轉角位停下,把身上的外套除下,讓她披著。我另一手拿起手機致電給明哥,著他來接我們離開。

我們在西閘走出去,便已看見明哥,我們很快的便上了車,啟程回家。
阿Cat只是一個哭不成聲,我不斷的撫慰她,,她在我的懷內,淚水沾濕了我的衣服。

「阿An...點算呀....我...我...好驚...好驚呀...佢地...會..會唔會一路...咁搞我地...」
「放心阿Cat,我地唔會再去個到溫書,無人會再搞我地啦好無？」

「佢地...好...好恐怖...」
「唔怕架Catherine...我會保護好你...」

「嗚...阿An...唔好...唔好掉低我...我...好驚...我頭先...諗起...」
「唔會架Cat,無事啦！」

「我諗起...阿翼...」


「唔好諗啦Cat,依家已經安全啦！我會好好保護你,無事。」

「阿An...多謝...多謝你...」
我再安撫她幾句,她便躺在我大腿上睡了。
這個時候偏偏紅隧又塞車,不過也正好讓阿Cat休息一下。

她面對著我的小腹睡,兩隻手仍然是緊捉我的右手。
我左手不斷輕輕撫摸她的長髮,就像哄一個小女孩睡覺一般。

「少爺,係咪學校有人騷擾Catherine小姐？」
「係...不過應該無問題...」

「少爺,我怕個班花靚無咁易放棄,不如咁啦,我返去同鍾生商討下,睇下可唔可以做返多少野。如果唔係,我怕連少爺你都會有危險。」
「唔洗,我唔想俾人知我咩都靠阿爸阿媽。我想用我努力,去保護...去保護佢地...」



「咁好啦少爺,有咩事call我,我隨時會去接你地走。」
「多謝你明哥。」

說罷我們的座駕已過了紅隧。
阿Cat轉一轉身,頭稍微轉動,張開眼看著我。
她鬆開右手,提起來輕掃我我臉龐,我也回應了一樣的動作。

「阿An,你話你會保護我,唔靠世伯伯母...」
「係...我地以後,都要多d一齊行,我唔會再俾d人騷擾你。」

她輕輕的微笑,一手想把我拉下去。
我明白她想要我吻她,但我給她做了眼色示意明哥也在看,她便放鬆了手。
我提起右手,將兩隻手指頭點在她唇上,她知趣的吻在手指上,然後我收回來點在我的唇上,也吻了一下,再印在她的臉龐。