今個學年,我多左三個女室友: 16

「衰仔呀！你d衫呀,床單我同你洗好哂啦！你記得遲下自己收呀！」
母親在廳中傳來震撼性的聲音。
我們走出廚房,看見母親已經收拾好物品準備離開。

「媽你咁快走啦？唔坐多陣既？」
「唔啦！我仲要返你阿爸間公司幫你阿爸手。好啦走啦！Hailey睇住蠍仔呀！」
她上前親了家姐一吻,又來親我一吻,轉身走出大門,Danny哥已經在等候母親。

「蠍仔呀！記唔記得Daisy呀？」
「記得！點會唔記得呀？」


「佢破格升班,出年二月就係台灣畢業啦！」
「咁叻女？」

「係呀！佢依家已經放緊假,返緊來香港,仲帶埋Windy一齊返。」
「哦！都好耐無見佢地啦！唔知依家佢變成點呢？當年佢年紀輕輕已經成個美人咁,依家肯定不得了啦！」
「下？你話邊個靚話？」家姐扭我的耳珠,似乎不滿我稱讚Daisy。

「唔係唔係...我家姐最靚！Hailey姐先係我女神！」好....痛....呀！
「嗯....乖啦！」
「咁佢地幾時返？返去姨媽到住？」


「唔係喎！佢會住呢到,後日就到埗啦！」

「咁快！仲要...住呢到？」
「係呀！做咩呀？你唔係同Daisy好close架咩？做咩咁驚呀？」
「咁...咁...咁依家多左阿Cat阿Kay同Amy三個人呀麻。」
「無問題架！」
「你話點就點啦....」
家姐依舊攬著我,又親了一吻在剛剛被扭的耳珠上。
 
轉眼已經是十一月三十日,也是Daisy回港的日子。


家姐親自開車載我去機場接機。

在抵港大堂裏等著,有不少其他人也在等候自己的朋友回來。
等了一會,一個嬌小的身影從大閘中閃過。
她戴上了冷帽,金色太陽眼鏡,一件小背心外披牛仔外套,一條黑色緊身褲,盡顯其嬌小玲瓏的身型。

「An表哥！」她向我們揮手。
我和家姐走向她,我替她接過行李車,家姐則替她拿背包。

「Daisy無見一排靚左好多喎！」
「唔係呀Hailey表姐！台灣咁多好野食搞到人地肥左啦！」
「邊有喎！我地既Daisy係天生油浸都唔肥既老鼠女來架麻！邊有咁易走樣。」
「衰人An表哥淨係識笑人。」她繞著我推著行李車的手,一起前往家姐的坐駕。

車程中Daisy一直感嘆很久沒有回港,很懷念這邊的景色。



「係呢Daisy,你今次放幾耐假呀？」
「一路放到二月一號就返台灣準備畢業典禮,過左畢業典禮就可以正式回歸啦！」

「咁你今次返來有咩做呀？」
「緊係同An表哥你大戰幾百回合先啦！跟住會去睇我班同學打聯校挑戰賽囉！係喎,An表哥你都有打架可？」

「係呀！你An表哥好叻呀！贏左小組賽入左8強啦！」
「哇！好叻呀An表哥！我地An表哥出手,仲有邊個可以打得贏呀？」

Daisy她一直在向我撒嬌,唉....我這妹控的性格多半也是因兄控的她養成的。

Daisy自少便與我們家庭生活,她的父母長駐在深圳的公司工作,所以Daisy也被姨媽一家交給我母親照顧。
我,家姐和Daisy三人經常都一起去逛街,遊玩,看電影,讀書。直
至一年Daisy獲得了企業方針策劃大賽的冠軍,得到台灣國立大學的青睞,破格讓她入讀。


其後更再次參與編寫企業管理方向大綱得獎,獲得獎學金及升格至二年級,來年二月畢業。

這天是星期六,大家都放假。我們三人回到家中,阿Cat阿Kay和Amy三人都在家中。
「咦？AnAn你同咁多人一齊住架？」
「哦...係呀！佢地係我既同學,依家大家都係室友。依個係阿Cat,阿Kay。」

「Hello我叫Daisy呀！」
「嗯...」阿Kay首先打量Daisy的打扮,又以凌厲的眼神看著我。
「哦...hello。」阿Cat反應稍比阿Kay熱情,揮一揮手便回到房間。

「做咩呀佢地？唔鐘意我咁既....」Daisy扯動我的手。

「我都唔知喎...」