今個學年,我多左三個女室友: 4

「叫我阿An得啦！」

上課的第一天便要分組準備專題研究。
Catherine很快便找到了幾個同學和我組成5個人的小組。
互相介紹一輪後便派發題目回家仔細研究。
半小時後便下課了,此時Catherine把我留住了。

「阿An,你係咪住hall架？」
「唔係呀！」
「哦....咁呀。咁你知唔知附近邊到有平屋可以租呀？我住得好遠呀,返學好唔方便。」



此時Amy發了一個訊息給我
「阿An,你知唔知有無地方近poly又平租架？」

我提議Catherine到外面一間餐廳吃飯,我再介紹地方。
另一方面卻在回覆Amy。

「如果你唔介意,我係佐敦自己一個住緊,想搵幾個室友。」
「好呀！你知啦,除左你地幾個,我真係無咩朋友,多謝你。」
「咁你執定行裝,準備好哂之後,半個鐘內我叫明哥去你到接你上去。」


「好呀！」

Catherine她還在吃飯,我先等她吃完才問她
「其實...如果我唔收你租,你介唔介意去我到同我做室友？」

「同你？你自己一個住架？」
「唔係,有一個我中學時期既同學....唉,與其話係同學,我覺得似呀妹多啲。仲有我家姐好多時都會返去,你意下如何？」
「咁都好既,起碼唔洗日日咁早起身。係邊架？」
「佐效凱旋門。」



「等等,我有無聽錯？」
「係凱旋門,你無聽錯。」
「咁唔得啦,咁高級唔收租。」
「唔怕啦！大家都係同學,況且仲係同一組,有個照應都好呀。同埋我有司機接送,咁就唔怕遲到啦！」
「唔,咁好啦。其實我想帶埋我個friend,佢今日無返。」
「好呀,咁你叫佢自己過來咪得囉。」

她快速的吃完飯後,便示意回家收拾物件。
我先叫明哥到Amy家接她,再聯絡家姐。
「家姐你係邊？」
「中環準備走。」

「啱啦！我頭先搵到個室友,但佢要返屋企執野,我又叫左明哥去接Amy。你可唔可以幫我手？」
「收新室友？你記唔記得我規矩架？」
「記得。要負責夜晚飯同洗碗呀麻。」


「咁你地等我一陣。」

我回頭向Catherine講解少許規矩,她大概也明白了,並樂意分擔家務。
不久,家姐便駕車到來。我們先載Catherine到她家拿取物品,才回頭到住宅。

「你好似係....Catherine係咪呀？」家姐她打量著Catherine。
「係呀！多謝你地俾我租住。叫我阿Cat得架啦！」
「依個就係我家姐,天艶,Hailey。」
「Hello我叫Amy呀。」
「你地跟天蠍叫我家姐得啦！」

一向怕陌生人的Amy看到阿Cat後又捉著我的手臂,我看看她,帶著少許害怕的表情。
「唔洗驚喎,一個係我家姐一個係我同學。遲下大家就慣架啦！」

家姐也伸手拖著Amy


「如果有你依個阿妹,其實都唔錯呀！仲幾可愛呀！」

Amy才露出了笑容。到了住宅後,因智能家居的關係,家中的燈及電視都開啟了。
「嗱！就咁,我呢就會訓主人套房,咁隔離呢都有一間大客房,可以放到兩張床都兩張書枱,天蠍就訓返佢自己間房。咁應該係俾阿Cat同佢個friend住啦！咁另外仲有一間細客房,就俾Amy住啦！」

我去幫Amy搬行李到客房。
「依間房未有電腦用住,如果你要我俾部notebook你用。」
「嗯,其實我有帶埋我自己部電腦來架,係明哥架車到....」
「咁今晚再去拎啦！」