你有愛上過一個有男朋友既女人嗎?

大家好 我叫三寶
現年十九既我正準備進入I大 展開人生的新一頁 但距離開學重有一段日子
係呢個空窗期間 我係附近搵左份超市工 距離自己屋企只需要兩三個站既車程
雖然人工只係得現時政府規定三十蚊一個鐘 但至少好過係屋企做廢青 一文不值
對於已單身十九年既我 對每一份工都充滿住希望 總係覺得我既第一段戀情會發生
結果第一日返工我就已經面臨絕望 望住收銀全部都係呀姨呀嬸 
我對呢份工作既熱誠馬上大打折扣...  天呀.... 係咪咁絕呀....? 
算! 望客都好! 至少 我內心係咁樣安慰自己

唔知有冇有人都同我一樣 都係鍾意幻想 總係想遇到自己既另一半




有時候發夢同一個陌生既女仔一齊感覺非常良好 但醒返硬係記唔起佢係邊個
但個場面好溫馨 內心感覺到好溫暖 然後帶住空虛靜靜咁回味返個夢
第二日返工我已經開始熟習工作流程 因為黎黎去去都係車場落貨 然後拉返鋪再散貨上架
我同個大佬都幾快熟左 可能大家都有食煙既習慣 有時候係一個陌生既環境裡
煙總係能夠打開一個話題缺口 但問題係呢種方式絕不健康 亦不建議
係一次休息期間佢同我傾起鋪入面既女同事 我有些少出奇 因為我估唔到原來大佬咁重口味
個堆人 求奇搵兩個都過百 你唔係咁驅風呀嗎......

原來鋪入面重有兩個後生既 只係咁啱冇返工
一個是大佬個女朋友(認真識食) 另一個佢叫我小心 原因冇講




呢個時候我既內心認為小心D咩? 我至少落過club經歷過些少風雨
唔係話自己情場老手 但至少都唔會咁易做兵
我百思不得其解

休息過後返貨場做野 我終於見到要我小心面對既女仔
唔錯呀 頭髮長長 下巴少少尖 個樣帶點天然呆 可惜唔係咁啱我口味
係收工等落閘既時候 我地都會有十五分鐘既時間休息下
佢忽然同我打招呼 彼此認識左大家個名字 嗯... 叫圓... 幾特別既姓名...

待續