我值得擁有更好的人?: 我們故事的發展
2010年嘅聖誕節,你帶我去到一個我從來有去過嘅地方. 天空漫漫甘落住雪(人造雪), 你對住我講左句"可唔可以做我女朋友啊?"
"喂! 又唔覆我! 你甘衰嫁!"
"聽日測驗啊,咪煩啦"
'唔洗温啦, 你甘醒! 天才球"
"遲少少再揾你啦, 蠢材"
2009年 因為朋友一個聚會,我識左小冰 雖然佢大我2年 但係我地性格習慣都好相似, 所以好快就惺惺相惜 變成好好嘅朋友.
我一直相信男同女 呢2種唔同號性別 係唔會有真家嘅友誼 事實證明我嘅直覺係好準
"你聖誕節有咩節目甘啊?"
"同周公拍拖拖"
"知你宅女冇人約嫁啦, 等我好人啲約你啦!"
"係你冇人陪姐, 我都冇話要同你去"
"我當你去嫁啦 到時再講時間地方比你知啦"
當時嘅我真係冇諗甘多 以為佢帶我食過飯咪算 但係到左聖誕簡當日.....
"(終于聽見下雨的聲音~~)喂, 邊個啊! 甘早打電話泥 痴孖根"
"你仲未起身!? 你記唔記得今日約左我嫁!"
"你又冇講幾點"
"比半個鐘你準備 我到左再打比你啦"
"你有冇病 邊有人聖誕節 朝早10點去街嫁 係都夜晚啦"
"快快手啦 到左打比你"
"Christmas甘早可以去邊 =_="
"我安排好嫁啦, 仲知你今日就交比我啦"
2010年的聖誕節係我人生過得最開心嘅一年, 雖然唔係咩白色聖誕 仲要甘早比人嘈醒 但係我第一次覺得有人陪住係一樣幸福嘅事
我仲記得我地去左食M記早餐 之得佢帶左我去佢母校 講左好多佢以前嘅醜事 到左黃昏 我地去左海灘睇日落 之後去左食一個垃圾聖誕餐(平時$199到聖誕就$599 我諗大家會遇過啲甘衰嘅餐廳) 最後先係重點.....
我地去左一個廣場, 天空落住人造雪, 一對一對情侶拖住手 好浪漫甘... 當時我都冇諗甘多 因為年年聖誕成條街都係甘
"喂, 多謝你喎, 安排得甘好 哈哈"
"甘係我話約你嫁嘛, 問你個問題: 你覺得我今日好咩唔同?"
"Ummm 你想有咩唔同先"
"今日係我人生最緊張嘅一日"
"你安排得唔好, 我唔會打你嫁喎 哈哈 可能下次唔同你出去甘啦"
"認真嫁 我有啲野想同你講"
"嗯"
"2009 我好幸運甘係我人生中遇到一個小天使 佢好蠢又宅 唔仲意出街又懶 咩都唔識 雖然識左佢 我變得好忙 又要去幫佢教佢 但係慢慢習慣左 我發現自己唔可以冇左佢 我想一直保護住佢 唔想佢比人蝦 我想一直同佢生活落去 因為識左佢 我覺得我嘅出生係為佢而存在 佢需要我係佢身邊 其實我仲意左你好耐嫁啦 我知我講出泥可能連朋友都冇得做 不過我都想問你 可唔可以做我女朋友啊?"