DSE點令我由一個毒撚變做player: 19.

我拖住mk淇，向住電梯行去。
 
好啦唔呃你地。再講過，其實係mk淇見我頭先毒到又企左係度主動拖起左我隻手，所以係mk淇拖住我先o岩。
 
「以，好多手汗呀你。」
 
Mk淇講完之後我鬆開佢隻手，一睇掌心，係喎屌，成隻手心都係汗黎既。。d汗直情多到可以拎黎淋花，我尷尬地笑一笑：係咩，我可能太梗張啦。
 
說罷，我將自己隻手往恤衫抹去，但我發現抹完又抹，d手汗都仲係咁標出黎，就好似一個閂唔埋既水喉咁。
 




mk淇見狀甜甜一笑：你真係好傻仔。手汗多可以唔拖既姐。
佢示意我唔使再抹乾隻手，當我隻手擺翻係身旁既時候，mk淇橋實左我。
 
媽呀我仲係好撚怕醜，但真係好撚甜好撚正，我隱約feel到佢對波壓逼住我。
 
我地一路橋住一路踏上電梯級，我相信係旁人既眼光黎睇我地係好匹配的，因為o岩o岩一路行我都感覺到好多人向我地投以羨慕兼葡萄既眼光，尤其係d一堆堆既毒撚，我終於脫離到a0既命運啦！
 
上到電梯，係下行方向，我企係上方，而mk淇就好吃力咁望住我。我笑住望住佢：你好矮呀mk妹。
 
佢「超」左一聲，轉身望向前方唔想再理我。




 
我頓覺沒趣，惟有左望下右望下，只見電梯上相反方向既一邊有好多情侶係度擁吻著。我忽然醒起頭先我仲係冇女既毒撚，只有酸人既份，而家有左女朋友，係咪好應該加以利用令人酸翻我？
 
諗到呢度，我拍一拍黃淇：o畏。
 
Mk淇冇反應。大概仲係嬲梗。
 
我加大力度拍多幾下：唔好咁小氣啦。
 
Mk淇轉過身抬高頭望住我：o畏乜春呀。




 
我心諗唔叫「o畏」仲可以叫佢做乜，腦海忽然諗起「bb」「chuchu」「honey寶貝」等等既情侶稱呼，面上一紅，唯有硬著頭皮簡左個入面最唔肉麻既一個嗌佢：bb....…
 
佢聽到我咁細聲，冇好氣咁應左句：又嗡乜9呀，聽唔到。
 
我行落2級，經過佢身邊，企左係佢前面。（估唔到企呢個位既時候，我地既身高係o岩o岩平衡到。）
 
我諗我真係呢世人都冇諗過d咁骨痺既野會係我口中吐出：BB.....唔好嬲啦。。你睇下人地幾sweet。。
 
Mk淇聽完望住我，眼中閃過一絲欣喜既神情：又毒唔哂喎衰豬。
 
對我黎講，今日係最開心既一日。
 
/
 




翻到屋企之後，我將聯絡人中既「mk淇」改左為「bb（外加三粒心心）」，從今以後，她會是我幸福的理由吧。初戀那種甜甜的感覺總是美好的。
 
更改完之後再掃落去寮寮可數既聯絡人名單上，只見「seven」一字排左係最尾，係既，為左夾埋做場戲，佢俾我嬲俾我憎俾我冷落。誤會左佢，係應該約佢出黎，好好地同佢講返聲sorry，況且今次同到mk淇（仲未改到口）一齊佢都功不可沒，在情在理都應該請佢食翻餐飯。
 
於是我禁一禁通話個制，打俾seven。
電話果然好快被人接聽左：o畏呀峰，恭喜哂！
 
「多謝哂:D ，我有野想同你講呀，聽晚得唔得閒？」