DSE點令我由一個毒撚變做player: 12.

我望住牆上既鐘，已經係一點，自從我上奏9.15起身之後，原來溫左成4個鐘。
我放低手上既中文筆記，望左眼掛係我正前方既日曆一眼，今日已經係16號。
16號。。。mk淇會唔會真係係小西灣自修室等我呢。。。
 
心中既疑問浮現，最終我決定換件衫搭小巴過去望下。
我急急忙忙上左車，望一望手機，先就黎1.30。我望住自己身上著既衫，真係好撚毒，毒撚格仔衫入面襯件灰色純色tee，唔知mk淇會點諗我呢。
 
/
 
「唔該橋底有落。」我向住前方既司機講。




 
落左車之後我向住自修室既方向行，係入面行左一圈都唔見mk淇，唉，都話佢呃你咖啦，邊有人真係會坐係度等你，你估自己真係好靚仔，值得人地咁等咩？唔知點解，我忽然間有d失望，我垂頭喪氣咁出翻黎。
 
行到出門口，一把聲音伴隨著強風而黎：柒峰你真係黎左搵我！
 
我望住前方，都未搞得清發生咩事，mk淇既身影已經由遠至近，呈現係我眼前，佢好開心咁笑，應該係佢冇諗我會記得今日要黎搵佢，佢傻氣既笑容令我有個錯覺，我忽然好奇，如果黃淇唔係mk，佢會唔會都會係我幾鍾意既類型？
 
我怔住：。。冇。。冇呀。。啱啱路過。。
 
佢伸一伸利：既然你咁啱經過，不如同埋我咁啱食lunch啦。




 
我望一望佢，係既佢啱既，我出黎既目的就係想食lunch，一齊食又有咩所謂，於是我話：行啦。
 
一路上mk淇都係度嘰嘰渣渣，乜都講一餐，我知道左佢好多野，廢既知佢好多八婆嘢，而比較重要d既就知佢住邊，屋企單親咁。
 
我地到左餐廳，坐低，呢間餐廳食d好普通既野，港式茶餐廳黎，我見人多，就叫佢坐低先，廢事轉頭冇位。
 
佢笑一笑：你又知我鍾意食咩？
 
我心諗，係喎，我真係唔知，不過衰口硬，我都係講左句：得啦，我知咖啦。




 
/
 
我買左茄汁豬扒意粉，我諗大部分香港人都由細食到大，應該冇死既。
 
佢望住碟茄汁意，個樣好似好辛苦咁，同哽落去冇分別。於是我問佢：你唔鍾意食豬扒？
 
Mk淇望住我：唔係呀，我唔肚餓姐。
 
我望一望佢既身形，160左右既身高，但真係有d偏瘦，我粗略估計唔過50kg。但佢上面都仲好有睇頭。。
諗到呢度，我塊面紅一紅，即刻停止諗落去。屌，估唔到自己對住佢竟然會產生呢d咁猥瑣既想法。
 
佢好似發現左我猥瑣既目光咁，笑住話：望左咁耐我個度，乜好大咩。？
 
我塊面即刻紅過俾火燒，呑一呑口水，靜左dup低頭，真係尷尬到唔知可以講咩。




 
Mk淇見我又唔講野，繼續自言自語：just kidding，認真你便輸了，我地食野啦。
 
食左一陣之後，我見大家都冇講野，氣氛真係有d奇怪，於是我開口打破沉默：你帶左咩中文筆記黎溫呀？
 
佢抬頭話：冇呀，都係問frd借左基爾獸d筆記，卷就冇拎黎操，唉唔係講笑，溫到好頹，不如我地食完野之後hea多陣先溫。
 
對於佢既建議，我只係點一點頭。佢好似有d唔好意思就笑一笑。媽呀。。。點解我可以不擅講野到咁。。次次都係我做topic ender。
 
/
 
食完飯之後，我地向住海滂既方向行去，mk淇拎住佢個mk地圖袋，表現得好興奮。
 
我心裹面好納悶，今日天氣好好咩，點解佢好似好開心咁。
 




Mk淇見我低頭不語，又發起話題：我地而家係咪去梗海傍？
 
我點點頭就當回應左，我有時真係懷疑自己成日都嗯，哦，點頭，咁少開口，會唔會大個唔識用其他語言同人溝通。
 
Mk淇遲疑地開口問我，我係第一次見佢講野都會口窒：um。。。。其實。。其實，你介唔介意我問你一樣野？
 
我又點點頭，好想知佢葫蘆裹賣咩藥
 
 
佢接落去：我想問你係咪a0..？因為我好少見男仔咁怕醜。
 
我終於肯開口講野：i am not a0，is eu0。
 
Mk淇眨一眨眼，有d疑惑地問：咩係eu0？
 




我望住佢：係呀，extremely urgent 。我的確係18年黎都冇同女仔拍過拖。
 
佢既眼神帶小小狡惑，又有小小驚訝：莫非你就係hehe..？
 
我驚覺頭先句野真係有d問題，於是我睥住佢：唔係你諗咁呀，痴線咖，雖則我係男校，都未衰到要hehe咁飢渴，我發誓我係直，之所以18年黎都冇女友，只係我太毒。。i will Now recap in English, i swear that i am not gay.
 
我諗呢句係我歷史以黎同mk淇講得最多既野，更可能係除左oral之外，我同異性講得最多野既一次。
 
Mk淇聽完之後有種唔知點俾反應既表情：um。。都唔係既。。係你未遇到姐。。
 
我微笑：傻啦，自己知自己事，毒撚係冇可能媾到女，淨係可以同自己隻左手一齊是常識吧。
 
Mk淇聽到我咁灰就問我：你有冇奇怪過我點解咁想接觸你？
 
我搖一搖頭。




 
Mk淇繼續講落去：因為我第一次見你就好似見到新既男人品種咁，你係第一個有史以黎我見過有嘴都唔錫既男仔，係第一個我社交圈子裏面唔食煙既男仔，最重要既係我覺得你好有上進心。簡單黎講，我真係覺得你好好仔呀柒峰。
 
第一次聽到有人讚，仲要係欣賞我毒，真係唔知好嬲定好笑好，又有d唔好意思，我一呆，唔知俾咩反應好。
 
Mk淇好似笑梗我既窘態咁：你塊面紅哂啦，算啦唔講呢個話題，我地去坐海傍啦。
 
/
 
金黃色既光線曬落我地2個身上，唔係講笑，毒撚真係曬太陽個時先知究竟種感覺有幾美好。
 
我望住mk淇，佢反而冇乜改變，乜柒曬到好似天使咁，有個光環係佢身上出現好似唔太配佢而家，要我老實寫而唔加d咩浮誇既描寫手法既話，佢個金啡色既頭只係越照越金，亦即係更mk。
 
Mk淇見我凝視住佢，就問：望咩姐。
 
我即刻另轉塊面，扮哂冇睇咁：我。。我冇望你囉，你又自作多情。。我。。望海之嘛。
 
佢突然間控個頭埋黎，種距離真係近到我連佢鼻尖有粒好細既黑頭都見到：冇呀。。你坐翻。。坐翻好先啦。
 
唔係講笑，我個心跳得快到好唔正常，真係有d驚自己心律不正。
 
Mk淇「摺」（係一種通常人不滿先至會發出既聲音）左聲：好啦你望過黎先。
 
我以為佢真係坐翻好，另翻轉頭。。
 
屌！！！！！！！
 
我錫左落mk淇度！！！
 
。。。