DSE點令我由一個毒撚變做player: 7.

[15:22]
我望住枱上面既電子鐘，原來不知不覺間已經咁晏，我決定出去碌個面食，醫一醫肚。
 
一出到去打開個櫃，屌，乜都冇，連營多、杯面呢d基本食糧都冇，真係灰到呢。於是我笠番件運動嬲，攞埋手機就諗住踢拖出去食野，一拎起部機，點解盞led燈係咁閃既？仲要係白色，我好似miss call先較呢隻色炸喎。。唔通係我兄弟seven？（補充翻小小野先，其實我兄弟英文名係Steven，但我嫌Steven有d棘口，所以叫佢seven算）回到正題，我拎番起部機諗住睇下邊個打俾我啦，點知上面幾隻字寫住：mk淇
 
我呆一呆，下，乜而家會有人仲打俾人既咩 wtsapp咪得囉，不過佢應該係hi錯制姐，林逸峰你唔好自作多情啦。
 
於是我打開wtsapp頁面，問佢：你打過俾我？
 
隔左半個鐘之後，佢都係冇覆到我。而我亦都因為太餓落左街食野。




 
/
 
係我醫完肚行梗翻屋企既時候，竟然又收到mk淇既電話，一聽，屌，佢把聲好似啱啱喊完黎咁：係咪呀峰？
 
我即刻耳仔都紅哂，聽佢把聲就好似佢真人係我執邊咁，嗚呀 原來聽女仔嗌自己個名真係好開心，我諗我真係太毒。我吞一吞口水，答佢：係呀，做乜。。做乜無。。。。
 
我話口未完，佢就話：得唔得閒？
 
我好細聲咁駁埋個幾粒字：做乜無。。無端端打俾我？




 
之後就答左佢一句得閒。
 
佢：ok.good.咁6:15係西灣河見。
 
我：下！但我未。。。
 
「嘟嘟嘟。。」
 
。。我未換好衫。




 
我未講完呢句，電話已經俾人cut左，我話我得閒姐，唔代表我要出黎陪你加嘛大小姐，我一嬲，覺得自己好似就黎入伍，佢一叫就隨傳隨到，我咪好冇面？於是我決定都係唔理佢。
 
不過呢一刻我心入面既另一把聲就同我講：人地女仔黎，喊完冇心情cut你線都可以理解啦，仲要人地識得你個2日就叫你出黎，即係信任你，當你係frd。
 
心入面另一把聲終於戰勝左支持唔出個把聲。
 
理得我係frd定兵，今次出去意味住林逸峰，我有機會脫離毒j行列，分分鐘可以改變a0既命運！
 
我望一望手機，上面顯示住4:45pm，我即刻跑上屋企，換過套衫再出過去。