DSE點令我由一個毒撚變做player: 3.

急步行左一陣之後，終於都黎到試場，估唔到咁快就到 ，人果然可以係危急情況下激發起潛能。
 
定眼一睇，屌，原來已經4.40，我好撚柒咁喘住大氣坐低（班人坐哂係度靜到好似抖氣聲都聽唔到咁），個老師睥埋黎，應該係心諗，咁都計唔到你遲到。
 
我坐左一陣之後回氣，望一望周圍，唔妥喎。。仲爭一個人既？dse可以4個人考既咩？
 
「咯咯。」
 
係我諗梗既時候，mk妹竟然出現係班房。
 




佢入黎個時把金啡色既頭髮真係好矚目，幾乎同一時間所有人望左過去，當然包括我。
 
Mk妹一入黎就即刻坐低左，個老師一臉不忿咁過去俾張紙佢，「仲有2分鐘就開始準備。」，我仲好似聽到個老師之後細細聲講左句：「都未見過一組裏面可以有2個人夠膽咁遲到。」
 
/
 
「你有十分鐘既準備時間，而家可以開始。」
 
呢一個時刻我望住mk妹慢條斯理，好似歎梗茶咁既樣，我心諗，今次，點都有人差過我啦掛。
 




一開條題目，屌，共識題黎，一陣意見分歧都應該有排嘈。
 
/
 
首輪發言，從來都係一件難掌握既事，我好彩地位於3號位置，都叫穩穩陣陣可以執人d point又補下d自己例子。
 
但係事實永遠同想像唔相乎。
 
係首輪發言我已經feel到好大陣火藥味，題目有3個choice ，1號同2號同我都簡唔同既野，到mk妹個時，佢同我一樣簡同一樣野，而5號個傻仔，首輪只係講左立場同原因，睇死佢最尾1 。
 




如是者，我因為呢條題目有得同人拗，都不停有講野，而mk妹都應該同我一樣，想企硬逼人轉立場，同我一唱一和，有時仲會向我報以一個微笑 老實講，以一個毒撚黎講，雖然口口聲聲話好憎mk妹，又成日係高登見到d巴絲大大力屌mk妹 ，但我不得不承認，個時我個心跳得勁快。
 
唉，毒撚係咁上下咖啦  
 
/
 
估唔到我發左4次言，唔知各位有有咁既習慣，我考oral冇野做就好鍾意計自己講左幾多次野（雖然係學校平均唔過2次）
望住得番一分二十秒既timer，我終於覺得有成功既感覺，你明唔明呢種感覺對毒撚黎講有幾美好。因為咁樣，我就唔出聲，諗住食花生睇人爭總結。
 
原本一切都好美好加嘛，點知。。
 
Timer上面既時間顯示住[00:57]
 
眼見時間越黎越梗逼，我都無奈要再出動同mk妹遊說其他人轉呔，因為始終係共識題，我地由頭嗌到尾都唔係好事。
 




5號個傻仔存在感簡直係0，mk妹一問佢：5號同學，係聽完我地既意見後，你覺得_定係_好d?
 
5號同學聽完之後我地問之後即刻醒水，轉呔話我地個choice好d，之後再補充左小小我地講既原因，就轉左呔，都總算係轉得幾好。
 
係我地4個都持同一立場既時候，1號竟然仲係死都唔肯轉呔，眼見時間一秒一秒咁過，我同mk妹嘗試引導佢同我地有一樣想法都唔得，佢究竟知唔知咁會累死我地全部人？點解我會撞正呢d on9仔。。。
 
時間淨翻18秒，我早已經放棄勸呢個on9仔，因為我知唔得，但mk妹仲係唔心息，揳而不捨咁不停引導佢，種感覺，就好似呀媽叫呀仔要早d翻屋企咁。
 
Timer顯示既時間為：[00:14]
 
Mk妹好似越勸越冇耐性咁，卒之講左好大聲一句：屌！你真係on9架喎！
結果佢講完之後就全場靜哂。。。timer提醒既聲亦都係dead左10秒後響起。