DSE點令我由一個毒撚變做player: 【序】

我只係一個普通既香港中學生。
由細到大都要面對各式各樣既考試，競爭，都米話唔辛苦。
而我終於都黎到最後要奮身一搏既試——DSE
DSE 我相信全港咁多中學生都好憎呢個遊戲。
 
冇錯，我，林逸峰就係今年既dse考生。
 
但到而家呢一刻，3月12號，我仲坐係度打機。
你可能會問，打機姐，對毒撚黎講，唔打機就奇啦，偽毒。
但呢一分鐘，距離我中文口試只係得翻1小時15分鐘 。




 
冇錯，作為一個真正既毒撚，我毒到唔夠膽去考oral ，因為平時係學校，即使係同一班同form既，我都好怕醜，首輪講得15秒，仲要係er足全程既我，試問去黎究竟做咩？我既存在只係俾人黎攻擊同埋被邀請說話，俾d人加分之嘛 所以我就咁坐左係度，望住個鐘發呆，但又好糾結，因為我知道唔考唔得。。。。。。
 
我望住個鐘。。又過多左10分鐘。
真正頹既時候，打機都會係咁輸，所以我熄左遊戲個頁面，繼續發呆。
我覺得我既人生好悲哀，註定係一個輸家。
係我頹既時候，我兄弟(唯一一個，因為我平時係自閉仔。)fb竟然inbox我。
我開黎睇就秒覆啦，反正都冇野做，係度頹之嘛。
 
佢：喂 ，點解你仲online既？




 
我：毒撚嘛，唔online仲可以做咩。。？
 
佢：今日唔係12號咩？
 
我：係掛。（心諗關我撚事）
 
佢：就黎5點啦喎，你唔係oral咩？
 
我：我好驚呀 ，唔去啦。




 
佢：你唔去，就哂左你個5。
 
我：。。。。
（其實我係學校個predict中文真係有5 不過。。唉）
 
佢：你快d啦。。仲趕得切！唔通你想一世做廢青？難得你讀到書，我地全港中文合格有3既考生都冇一半！我表哥就係衰中文，3科5*1科5**都入唔到u呀！
 
我睇到佢咁激動，打哂「！」呢d符號，就知我pea唔係一個人既事，仲有個好兄弟會擔心我，所以為左佢，我決定去。
 
雖然我個心好感動，不過我語氣仍舊係好冷淡。
 
我：好啦，即管睇下我趕唔趕得切。
 
佢：gd!!!!!