【渠底奇兵】《我，就係踩單車跌落渠果個肥仔》（已爛尾）: 37

雖然平時佢成日話邊個大波邊個腳長邊個有氣質，但係都只係佢口頭上講下，佢對佢女神呀儀都真係可以話死心塌地。 

從上年呀儀同過佢一齊坐做左好朋友，之後，佢就一直咁努力。果然我肥冬既朋友都係長情向左走向右走！ 

就連同呀晨咁好條件，自從識左呀樂之後都變左一個戇居仔呀，愛情威力真係大呀。 

「唯有下一次再試過啦……對唔住呀肥冬，咁遠水路叫你出黎……」 

「傻既講咩呢ｄ呀！！仲有，邊向左走向右走個話你今日會見唔到呀儀！！！？」 





我感受到我肥冬既熱血又要燃燒起上黎喇！ 

「VENUS BB 幫我用幾次偶遇！！！」 

「幾次即係幾多次呀肥向左走向右走」 

「是向左走向右走啦但！」 

「ＯＫ！」 





「拿呀洪，你一陣跟向左走向右走實我，我敢肯定，你今日一定會見到呀儀！」 

「下……肥冬你有咩野方法啊？！」 

「你咪向左走向右走理，總之我話見到就見到，一餐KFC！」 

「好呀～二一八五個零，CALL我～～」 

「Hi我要堂食呀！」 





「點話點好啦，係咪真係可以見到佢呀！」 

「信我無死啦Hi 你！」 

於是我就食住花生，係自修室等候呀儀既來臨。

反而我旁邊既呀洪就緊張到出曬汗。 

「死啦一陣點同佢講呀？！！！」 

「Hi 你唔係一早諗好既咩，仲叫我黎？！」 

「係就係…不過我而家個腦實曬咩都唔記得曬！！！」 

「拿，咪話我唔教你，呢個時候緊係要著住對con屎，直接行去佢面前，問佢，我地一齊，好唔好？」 





「唔好再拎你中二果招野出黎喇，Seven到上太空連呀gem都見到喇！」 

「你咁話法…本肥冬……」 

呢個時候呀洪即刻按住左我個口。 

「我……我見到佢喇。」 

「大驚小怪啦Hi 你！」 

望住呀儀一步一步咁行過黎，我首先當然要係佢見到我之前行開一二面啦。 

「肥向左走向右走你搞Ｄ咁無聊既野，不如番屋企溝下呀汶仲好啦。」VENUS出聲打?興致勃勃既我。 





「邊度無聊呀，你唔覺得幫到人好好咩？」 

「如果係呢一年都仲未溝到女，我以後都唔向左走向右走幫你！」粗口VENUS既語氣居然有少少心急。 

「下？我溝唔溝到女會同妳有關係？」 

「如果你溝唔到女，我過多一年就會消失。」