【渠底奇兵】《我，就係踩單車跌落渠果個肥仔》（已爛尾）: 34

「喂？呀冬？」呀Hi唔記得左呀汶係住我屋企，而家佢聽左電話。 

「係…係我啊～」我用眼尾望一望喊包，好彩佢已經投入落唱Ｋ度，仲要唱得大大聲，完全無理到我係講緊電話。 

「呀冬你係邊度啊？仲未番黎既？」汶女神把聲真係好似一個老婆仔等我番屋企咁。 

我都差Ｄ有一秒衝動同佢講，我而家即刻番黎。 

「我…今日約左人食飯啊，可唔可以幫我同媽咪講聲啊～」我唯有細細聲咁講。 





「嗯…好啦～夜Ｄ見。」 

「夜Ｄ見～」 

我不禁鬆一口氣呀。 

「肥仔你同呀媽講野都咁鬼祟既？」 

「下～呀唔係，我有禮貌姐。」 





「成日都奇奇怪怪咁！」 

「嘿～～～邊有啊～～妳咪又奇怪～講啦轉左幼稚園之後點？」我係唔會忘記自己想問既野。 

「咁你都仲記得要問，肥仔你真係好專注啊。」 

「………」 

「咁果陣我就轉左第二間幼稚園，我果陣時喊左足足半年，不過唔係要見媽咪…而係……」 





而係要見我？！

其實我果陣時聽左媽咪話比我知喊包轉校既原因，都發奮左大半年話要考間好小學。 

而家諗番起都真係戇居，幼稚園邊向左走向右走度係用黎讀書架？ 

「………嗯，咁跟住呢？」 

「不過上到小學既時候我就無再好似以前咁喊，因為我記得果陣時你同我講，要我日日都好開心咁笑。」 

估唔到我肥冬都有做好事既一日，只可惜我呢條大Hi Hi一上左中學見到呀汶就即刻驚為天人。 

唔小心放左喊包佢係深心深處。 

「其實都唔係因為你，我本身都好開朗活潑！」佢加多句好似慌死我會誤會咁。 





仲記得當年喊包?走左之後，我做得最多既野就係望住幼稚園既大門，希望有一日會再見到呢一個公主般既女仔。 

而年年既暑假，我都會番番去新高登幼稚園，探下老師，同埋回憶一下同喊包一齊既時光。 

只係短短半年，但係好深刻。 

我仲記得有一次佢跌低左，喊到成臉都係眼淚鼻涕，我仲走埋去錫佢塊臉叫佢唔好喊。 

果陣時媽咪仲話我細細個就識溝女，大個唔知點算。 

可惜天知我大個左會變成一個肥毒向左走向右走，喊包同我同一間中學，身處係同一個地方咁耐。 

但係我同佢偏偏要等到中五既呢一個月先認得番對方。 





忽然間覺得自己好似錯過左Ｄ野咁。

「知妳而家活潑萬人迷喇！」 

自從佢呢幾個星期係我身邊出現之後，我從班fd口中或多或少都有聽過佢既野。 

其實佢都有好多好多好多好多追求者。 

咁又係，咁既性格，如果無追求者，一定無可能。 

之不過佢成向左走向右走日神龍見首不見尾咁，所以成日都無比人捕獲，從來都係佢搵人，人地成日搵佢唔同，哈哈。 

「緊係啦！你都唔睇下我係邊個既～～」招招積積咁，都幾得意。 

「所以你就係一路讀上黎就派左黎呢間中學？」 





「其實都唔係……我本身果間幼稚園，如果成績夠好，可以比佢既小學同中學收番既……」 

「哦，咁即係妳成績差啦！！」 

「唔係囉死肥仔！！！」佢又大大力打左我一下。 

係喎，佢而家成績頭十，點會係因為成績差先要入黎而家既中學啊？ 

「總之係因為一Ｄ原因，我要黎讀呢間中學。你咪理咁多啦肥仔！」 

咁講其實我地都算係有緣，如果唔係佢一定仲係間女校度傻的嗎緊啦。 

「好！叫野食～妳食咩野啊？」 





「我食果個唔知野定食～～」 

好心妳睇野就睇曬先講啦。 

於是我地就叫左一個焗豬扒飯，同一個唔合咩野日式定食。 

而食物都好快送黎。 

Hi唔係講笑，兩個人咁大間房真係練體操都得。 

食到jap jap聲都唔會影響人～～