【渠底奇兵】《我，就係踩單車跌落渠果個肥仔》（已爛尾）: 15

「肥仔冬你好醒喇喎。」喚醒我既，係粗口妹既聲音。 

慢慢張開雙眼，面前就係我兩位兄弟同呀樂。 

「肥仔冬你今次威威喇，跑過左Ｂ班男神！」呀樂用調皮既聲線笑住講。 

「咁廢既肥冬咁就暈左。」呀洪用拳頭撞撞我。 

「係囉我地應該唱埋隻歌你先暈架！」呀晨話。 





雖然佢地講既野唔係咩關心說話，但係我聽到已經覺得好窩心。 

因為佢地幾個坐左係醫療室等我醒，已經係最大既關心。 

其實我都暈左兩粒鍾，與其話暈，倒不如話訓。佢地咁好耐性真係唔話得。 

但係……呀雪呢？點解佢唔係度…？ 

「呀雪岩岩係度架，不過好似有Ｄ野做所以走左先，佢叫左我如果你醒番就打比佢。」 





呀樂一眼就睇透左我既思想，難道我諗咩野真係寫曬係臉上比人睇到？ 

「哦…唔洗啦，我無事架喇，無謂煩到佢啊～」 

呀樂以沉默回應我。 

「好喇…而家可以話比我地知做咩要跑第一未呀？你知唔知我地比呀sir笑我地係熱身小先鋒，柒到呢」呀洪一臉硬膠膠。 

與其話係因為果少少積分，倒不如話我係想同自己，同呀汶呀雪講，我並唔差得過呢個呀俊。 





我林逸冬都可以好好，都可以跑得好快，都可以…… 

所以先會咁有決心地開跑。

「因為我想證明我肥冬都可以跑得好快！哈哈」 

「係呀係呀，一定係咁啦。」呀晨笑罵我。 

「你好Ｄ未？洗唔洗我地送你番去呀？」 

癡線既而家比你地去到我屋企咪死撚硬。我同呀汶講好左唔可以比人知！ 

「我無事啦，係岩岩暈一暈姐～～下次實做定熱身！」 

「屌你啦岩岩你咪就係熱身熱暈左囉。」呀洪笑鳩我。 





「咁我地走喇，你係度休息多一陣就做Ｄ番去呀！」呀樂見我已經無事，都放下左心頭大石。 

雖然話左話佢係晨嫂，但其實佢同我地個個都玩得埋～！