【渠底奇兵】《我，就係踩單車跌落渠果個肥仔》（已爛尾）: 07

終於又到星期一。 

「番黎拿肥冬～」見到呀雪既笑容真係令心情都好左幾分。 

「係呀，妳今日咁早既？」 

「不嬲都係咁早架啦我！」 

「都唔知邊個李曉雪上星期五先遲大到。」 





「車！你都唔係早我好多姐～～記唔記得上個星期應承我咩呀？」 

「記得…」唉估唔到佢黎真？不覺都係既，為左人地又變靚又減肥咁。 

「咁幾時呀？」佢對果位呀俊真係好上心。 

「今日放學啦。」 

「但係我地點知一定會撞到佢喎？」 





「我有辦法啦…」其實我根本笑唔出，不過我相信佢已經唔會察覺到我。 

因為我感覺到，以前同我一齊稱兄道弟，講好老左就結婚既呀雪已經唔係到了… 

至於點令佢地撞到？當然係偶遇啦！唉又要召喚VENUS 

「喂粗口妹，有無可能係特定時間偶遇架？」 

「可以，兩點積分。」可能係察覺到我心情唔係太好，粗口妹都唔講粗口住。 





「唔該。」 

於是我用左兩點積分換左偶遇。 

基本上我唔認識呀俊，所以見到面都唔會打招呼，所以無得輸！ 

「一陣妳行過去佢度扮跌野就得啦。」 

「我好緊張呀肥冬！唔知佢認唔認得我呢？」 

屌，我都唔認得妳啦，妳係咪傻左呀。 

「唔洗緊張！妳靚女黎架！比Ｄ靚女既衰格出黎！收佢兵就得喇！」 

「妖，咩收兵喎。」 





「黎喇佢黎喇，妳行啦」我一手推左呀雪出去走廊。 

我用眼神示呀雪行前幾步。 

點知呀雪一行到埋去個呀俊度。都未扮跌野，個呀俊已經出聲。 

「咦同學，妳係我地學校今年既中五新生呀？之前未見過妳既？」 

「下…我…我唔係呀。」好心妳啦就唔女神樣毒撚心啦。 

「係？妳叫咩名呀？我叫做陳俊逸呀，叫我呀俊就得喇～」呀俊伸出手。 

「我叫做李曉雪呀…」 





「妳個名又幾好聽喎。」 

哇屌你高手黎既，講既野咁有違和感都可以表現得完全無違和感。 

望住眼前既呀雪同呀俊開始左傾計，而呀雪都好似唔記得左我就係旁邊陪住佢。 

唔知點解我個心有少少痛，但係見到呀雪咁主動咁好笑容。 

我覺得都係值得。 

所以我唯有自己一個人安靜咁離開。