【渠底奇兵】《我，就係踩單車跌落渠果個肥仔》（已爛尾）: 01
我呢就叫做肥冬，而全名係林逸冬，今年中五，十八。
只不過係中二開始唔小心肥左少少先比一班兄弟賜姓為肥。
對我黎講冇AV睇果時呢就係日頭，播緊宇都宮果陣呢就係夜晚。
而我亦都深信
『你的樣子如何，你的日子也必如何。』
講番我點解會變成一個肥仔，其實係有原因既！
想當年我中一中二可以話係青靚白淨，好有潛質大個左搵女人錢。
但係自從中二暑假我向同班既呀汶表白失敗之後，我就開始左墮落。
呀汶同我係小學同學，小一至小六都同班，六年以來起碼有一半時間都係一齊坐。
於是順理成章，性格溫柔文靜而又生得有少少似高登女神蔣雅文既佢，俘虜左我呢個小毒撚既心。
雖然咁多年黎同佢講野唔超過二十次。
但唔係講笑，睇住當年可愛天真既女同學成為婷婷玉立既女神，我真係無曬抵抗力。
仲記得當年我精心打扮，著住對當年潮牌con屎，跑去同佢表白！
佢見到我，二話不說就灑手擰頭拒絕左我。
好老實講，我到而家都仲未知死因係咩，明明我對con屎同我個髮型襯到絕一絕。
於是我成個暑假就留左係屋企過住暴飲暴食既生活。
中三番學果陣，無人認得我。
就係咁過左兩年，其實我情傷唔係話太嚴重，但係減肥就減唔到。
於是就成為左大家口中既肥冬。
至於呀汶，隨左變得愈來愈靚之外，我對佢已經係一無所知。
因為呢幾年我一見到佢就連頭都唔敢點，野都唔敢講就另轉身走。
不過可幸既係中三我同佢就唔同左班，而我都識左好多新朋友。
例如呀晨，係一個音樂型男仔；同埋呀洪，一個好有義氣既搞gag能手。
我地三個無咩共同興趣，因為只要有一個人想做，另外兩個一定會捨身相陪。
就係中四暑假最後果日，我地三個約好去踩單車。
唔好睇我肥，我踩單車都可以話出神入化，架架單車係我跨下都會變成韋?天翔。
你都咪話唔勁！
而我估都估唔到，今次踩單車活動，改變左我一生。
「喂肥冬踩咁慢點減到肥呀？」出聲既係呀晨。
喂屌你明明你落後我十幾個車位連我車尾燈都見唔到。
「收皮啦你係咪尋晚食出丁食到傻鳩左呀？」
聽講呀晨同佢女朋友都好鍾意食出前一丁，所以我地次次都用出丁抽佢水。
「你兩條柒頭皮慳番啖氣踩單車好唔好呀？」今次到呀洪出聲
無錯提議黎踩單車既就係呀洪，聽閒佢下星期要同佢女神呀儀去踩。
但係條契弟根本就唔識踩，於是就拉左我同呀晨黎教佢。
「你咁撚大個人仲踩四輪唔講以為你弱智架，學到２０４６都未識啦咁」
－－－－－－－－
呢種就係我地平時相處既方式，講野唔需要用腦，唔洗諗咁多，因為大家都知大家幾時講笑，幾時認真。
踩下踩下我地都?，於是就停左係一個類似小水塘既地方旁邊。
個水塘既水好淺，可能係因為最近無咩雨落掛？
「喂肥冬你平時咪話自己踩單車踩到好出神入化既？你踩過左個水塘，我請你去食中上男神果間ＫＦＣ食餐勁既又點話。」呀洪條仆街仔自己唔識踩仲咁多野講。
不過我諗落又覺得幾有著數，因為個水塘睇落完全唔危險，又無咩水流咁。
我諗都無事，所以就一口應承。
「拿你話架，走數既話我打撚死你！」
於是我就踩住我架大陸BMX開始踩入去個水塘度
哇今次正，條路好撚平坦，餐ＫＦＣ真係實食硬。
但係我都深知安全第一呠呠命長久，所以都係慢慢踩。
點知踩下踩下，好似有引力拉我向左邊咁。
我已經好小心維持方向，但係都係難敵果一股奇撚怪怪既引力。
一跌，就跌撚左落渠！
「哇！」邊撚個係度叫？
好深，好撚深，深到我架單車都沉左去唔知邊度。
屌，呢獲仆街，為餐ＫＦＣ無左條命仔。
我都係想見一見中上男神姐…
我已經成個人沉左落條渠度，但係呢個時候，忽然又有一股力係下面推左我上去。
屌唔理得咁多，我兩腳一伸，彈出水面，仲快撚過方力申。
一手捉住上面，按番自己上黎。
「哇！屌你老味，快Ｄ救我」我已經嚇到傻撚左。
「部電話無喇！」呀晨只係重視我部電話。
「電話無喇無話無喇！」呀洪都係咁講。
佢地伸手接住我部電話。
屌，人命重要定電話重要呀？
「唉屌濕撚哂，唉唔撚驚。」其實我真係好撚驚，所以我已經語無倫次。
估唔到今次出黎踩下單車，我架私家車就咁唔撚見左，仲有隻膠拖係渠口度浮下浮下。
不過我真係唔敢行番過去執。
好怕又會有引力拉我落去。
上番上面見到呀晨呀洪，兩條撚樣笑笑笑都唔知做乜春。
屌，部電話真係開唔撚到。
番到屋企我都仲係驚魂未定，不過好彩呀洪話過兩日照請我食ＫＦＣ放題，我個心都定Ｄ。
當我正想開番套宇都宮定下驚既時候，部電話忽然間狂震。
仲震得好犀利，唔知以為玩緊震蛋。
我都不禁替部電話可憐，其實都只不過係用左幾個月，而家咁就無左。
睇黎真係要食曬成間ＫＦＣ既野先回到本。
咁我拎起部電話望一望啦。
點解會著撚左燈既？
明明岩岩開左十幾次都開唔到，無啦啦著番？
我打開一睇。
「請把耳機連接手機。」
屌呢個ＳＣＲＥＥＮ以前從來未出現話，唔係咁邪下話。
難道我係被選中既細路，部野變左暴龍機，我要進入數碼世界？
屌我都就成年啦，細咩路呀？
咩都唔怕既我插左個耳機落去啦。
「你好，林逸冬。」
哇屌，部電腦識講野既？！
仲要係一把無感情既電子合成聲。
屌，唔撚驚唔撚驚。
「你好，林逸冬。」
又講多次！我拍拍自己塊面，真係唔撚係發夢。
但我應該點做？！咁恐怖既野我緊係唔會搞，一野拎起個電話掉左去垃圾桶。
唉唔知點解自從跌左落渠之後好似咩都怪怪地咁。
於是就諗住去沖個靚涼洗走Ｄ衰氣，點知一沖完番到房。
就見到部電話好安詳咁放左係床上面。
屌我明明掉左架？！
今次我反而無咁驚，因為我知道好明顯部野有古怪！
況且我Ｊ都未打，陽氣未外洩，應該唔會撞鬼。
再載番起個耳機。
「屌你咩林逸冬。」
電話都識講粗口？！但今次換上左一把調皮既女聲，即是果種講完粗口都唔似講粗口既聲。
「你到底係咩黎？」我已經故作鎮定同部電話傾計。
唉我真係毒到要同部電話傾計呀…
「我叫呀零…至於我係咩，解釋左你都唔會明，不如唔解釋。」
毒撚對女仔聲可以話係無抵抗力，加上佢把聲又幾ＮＩＣＥ，所以我已經完全唔驚。
「點…點解妳會出現係我部電話度？」
「因為…」
「因為？」
「因為…肥仔一跌落渠就連部單車都失去～叫朋友過來救命換來一下被拒！」
屌你串我咁話喇而家？
望一望個ＭＯＮ，咩野ＡＰＰＳ呀ＴＯＯＬＳ呀全部唔見曬，只係見到一片白濛濛。
但係忽然間又出現左一個女仔既身影，佢著住件藍白史迪仔Ｔ－ＳＨＩＲＴ，唔知係咪太緊，睇落好似好高ＣＵＰ數咁。
個樣…嗯，好靚好靚，似我成日Ｊ既王敏奕。
唔同既只係電話入面呢個女仔個樣串串貢同埋對波波大Ｄ。
唔洗審都知佢就係岩岩同我講野既電話人。
「喂妳又幾索喎。」
「因為我個樣係根據你平時既喜好而家。」語氣真係好ＣＯＯＬ。
屌你而家玩ＬＯＶＥ ＰＬＵＳ咩？拎住部機溝囡囡呀？
「咁妳可以話比我知妳出現係度既目的到底係咩野未？」我已經比佢搞到一頭霧水。
「屌你，你估我想困係度？」講咁多粗口既靚女真係好少見。
「咁…妳叫咩名，零係編號？妳係邊度黎架？」
「係編號，我無名…至於邊度黎就講左你都唔知。」
睇黎問佢咩都係無用。
「咁我叫妳做粗口Venus啦。」
真係好貼切。
「是但你。」估唔到一部電話都識得好似港女咁惜字如金。
「咁我仲打唔打到電話？同埋引力係咪因為妳？！」
「打到，仲多左功能。係因為我。」
睇黎同部電話相處真係好困難。
忽然部電話出左一大堆野。
宿主檢測。
姓名：【林逸冬】英文名：【ＤＵＮＧ】
外號：【肥冬】稱號：【死肥冬】
性別：【男】身高：【１７３ＣＭ】體重：【８５ＫＧ】
年齡：【１７】
血型：【Ａ】
健康度：【５／１０】
咩野死肥冬呀，係妳自己加上去咋話？
「咩意思呀？」屌忽然間粗口Venus又唔出聲，出堆字比我做咩？
「宿主體型有異常人，是否選擇身體標準化？」忽然間又彈Ｙ／Ｎ比我簡。
癡線而家做咩姐？拍戲呀？
幾大都按ＹＥＳ架啦。
一下按落去之後…咩都無發生到，部電話仲關埋。
屌你其實會唔會係我最近打得Ｊ太多，精神唔好ＦＦ左個成件事出黎？
一諗完我就決定連Ｊ都唔打，希望聽朝訓醒咩事都無！