一個被MK妹改變既毒撚: 奪去

手術開始左大約五六分鐘，我坐足係到五六分鐘。突然之間呀杞話
「時間到喇」

我都唔知到左咩時間不過我開始感覺到有野吸緊我埋去手術室入面。
我個靈魂開始飛埋去個手術室。
我見到個黑衣人幫我做緊手術之後我就無左知覺，眼前一黑。

當我有返知覺之後我訓係病房入面。而呀思就坐左係我隔離好開心咁望住我
「勤 你醒喇 等我叫醫生先」
佢講完就走左去搵醫生。



唔通我岩岩果啲幻覺係真? 呀思同個黑衣人唔通...

轉個眼呀思同個黑衣人入左黎搵我
黑衣人幫我檢查。

檢查途中我問佢
「醫生 你唔好搞我呀思得唔得... 果一百萬我會慢慢還俾你 無論要我賣器官又好點都好 你唔好搞我呀思得唔得」

個黑衣人就笑笑口話


「你以為我為左錢去救你?」

吓... 唔通佢一開始既目標已經係呀思...
「醫生...求下你唔好搶走我呀思」

「其實我對你個女朋友無興趣 你大可以放心」

屌啊 唔通佢又係基...
「咁你想點...」



「其實我救你只係緣分 不求任何野」

屌啊你果時先話要錢... 仲要一百萬...
「你唔係同呀思佢話要一百萬咩...」

呀思聽到好驚訝
「勤 你點知... 佢話要一百萬」

死...點解釋好 唉算 照講
「我果時靈魂出竅左... 聽到你同佢既對話 你仲話你用你既身體交換 你做咩咁傻啊」

「靈魂出竅... 你估我信唔信啊 勤又當我係細路女...」

個黑衣人對住呀思話
「係真既 仲有我果時見到佢 再加上佢無理由要呃你 仲有你點解釋佢點知我同你之間既對話」



呀思諗一諗
「又好似係喎」

屌啊 我講又唔信個外人一講就信 屌啊