一個被MK妹改變既毒撚: 永別

每一步 

每一步

我都心諗住呀思唔好做傻事，我一到跑一到打俾呀思。不過佢一直都無接電話，
當我跑到天台，我面前係天台果一道門。我個心諗緊，如果我打開左之後呀思唔係到會點。

雖然我依家仲係上氣唔接下氣不過都要突破依一道門，我隻手雖然係到顫抖。
不過我都一氣呵成咁打開果一道門。



好彩我都仲見到呀思坐左係到 頭髮好亂。

我一到嗌一到行近
「呀思唔好做傻事」

呀思另轉頭，兩雙眼紅哂仲有兩條淚痕。我睇見都心痛，一睇就知佢無訓過再加上喊左成日。
「勤... 你唔行埋黎 我無面目見到你」

我果一刻都忍唔住男兒淚
「思 落返黎喇 唔好咁 我好心痛 錯既唔係你 而係我 我無能力保護你先會咁」



呀思佢開始有少少微笑但係同時間佢都係到流淚。
「勤... 我真係無愛錯人  我...因為做唔到你專屬既另一半 所以我都再無資格生存係依個世界 我再無勇氣去面對你」

我既眼淚一直流，我好自責。
「思... 我」

「你無必要為左我依件二手貨既離開而傷心喎 勤」
呀思打斷我說話



二手貨? 
「咩二手貨啊 思 你永遠都係我既 你記唔記得 我同你既承諾 要一生一世啊 我係唔會理會其他野 果個衰人既四分鐘 就搞到我地建立左成年既關係破裂」

呀思佢笑住話
「就係果四分鐘... 就係果四分鐘... 我返到去沖左二十幾次涼都沖唔甩 果一陣味 果一種感覺好污糟 我已經唔再乾淨喇 我唔想連呀勤你都搞到污糟埋」

果個仆街我一定會殺左佢
「污糟? 思 一開始我同你一齊果時你都無介意我污糟喇 再加上你依加都唔污糟」

呀思開始喊到收唔到聲，我嘗試慢慢行近
「唔好再行埋黎 勤我多謝...你...咁愛我 不過一切都太遲喇 有一啲污漬係洗...唔甩」

呀思佢企左係欄桿到面向外面。我個心抽住抽住
「思 唔好啊」



呀思佢另轉頭微笑 揮動隻手對我講再見 而個手指頭綁上左我同佢既陰毛護身符
「再見喇 勤 多謝你俾左咁多咁好既回憶俾我 不過我要走先喇 希望下一世可以再遇上你喇 就算做到你隻狗我都會好開心 永別喇 勤」

呀思佢講完就跳左落去，同時間我都大叫
「思」

隨後警車聲響起，我拎出我銀包睇住我同呀思張合照
腦海中不斷好似走馬燈咁重播我同呀思既回憶
我雙腿無用力跪低左 眼淚一滴一滴咁流落地下 滴嗒 滴嗒 張地下既石屎地慢慢由灰染成黑。