一個被MK妹改變既毒撚: 懷

我行返屋企，我選擇唔搭升降機行樓梯上去，一直諗呀晴一直同我講既大劫。
實在係太迷茫喇，我會唔會死...

如果我死左咁屋企人點啊 呀思點啊 我仲有好多新番未睇 我唔想死。
其他人如果知道自己就死只會諗自己死左之後會點 咩死左之後係咩感覺

依啲想法實在係太自私，可能如果我以前都會咁諗不過至少依家唔會。
因為...依個世界仲有愛惜我既人，我唔想佢地因為我而傷心就算我走，我都要留低我既價值令到佢地好過。

可能喇我唔會再諗死左之後會點 死左之後係咩感覺係因為呀杞既出現。


不過我見到呀杞做鬼都好可憐，因為就算同最親既人一齊都唔可以現形。

就算最親既人都唔可以觸摸又或者擁抱，只可以眼白白睇住親人穿過自己既身體。
果一種空虛同寂寞就算我未做過鬼，我都會明白。

因為毒撚果一種空虛同寂寞同鬼既好似又或者一樣。
所以先拎動漫黎填補自己既空虛寂寞。

我個腦諗既問題就好似係樓梯口果啲垃圾咁堆積住。隨住我一步一步咁上雙腳慢慢疲勞。做人真係唔易而死又困難。



可能我真係連死既勇氣都無。我無勇氣令到愛我既人因為我既離開而悲傷。

又或者呀晴一直同我講既大劫，其實對我黎講係件小事。

如果只係斷手斷腳就即管放馬過來，我唔怕

我諗返起我老豆有幫我買左一份人壽保險。
我報恩既時間可能就到喇。