一個被MK妹改變既毒撚: 鏡雨

野就食完喇呀思話想去游水，我地又要返去間屋到拎泳衣。我打開門係我個袋既東南西北係到震緊，不過依家仲咁光猛應該無事。呀思就去執泳衣而我就去洗手間洗個面。
我柯完尿既時候打左個尿震.而果個尿震打既時候岩岩好身後有一陣涼風吹我後面。
我行向洗手盆既時候個低下有滲水但係岩岩明顯係無既，差少少仆倒。

我洗手盆洗面既時候我低頭果一瞬間我眼尾望到塊鏡到有個紅衫長髮既女人企係我背後，同時我褲袋個東南西北係到震，我個頭向上既時候個女人唔見左。

我出返去搵呀思諗住要馬上出街唔想長留係依間屋到，呀思拎好泳衣諗住出門果一瞬間烏雲蓋頂落起雨上黎。
呀思話
「唔去喇」
「點解啊」


「因為落雨 游水會濕身」
屌咩道理啊...
之後我地就等雨停但係隻鬼根本就唔俾我地出去 我出一出露台睇睇原來無落雨只係幻覺，只係係屋內睇出去係落雨。我同呀思講
「思 不如出一出去 我真係想睇你泳衣個樣」
屌唔通同佢講有鬼搞事咩 估唔到思真係吹佢唔脹
「勤 你想睇我著泳衣其實係到都可以著俾你睇」
唉但係唔可以俾佢知 廢事佢驚 無知都係一種福氣
算我沖出左去大門諗住開喇 點知 開唔到 我係個偷窺鏡到望出去 屌 我見返個紅衣女 佢頭髮長到覆蓋哂整塊面隱約見到隻眼充滿仇恨。
我走返去陪呀思等一場無可能停既雨。