一個被MK妹改變既毒撚: 午餐

頂呀晴講到似層層中午果時都係同呀思講下先，但係可能會俾呀思覺得係呀晴專程搞破壞，唔想我同呀思去長洲。
話咁快中午喇，我去呀思班房搵到。我企左係門口 有兩個大隻佬問我。
「柒頭你搵邊個」 「岩喇我想打人啊 柒頭」
仆街我咩都未做 又俾人針對 
「我想搵...」
呀思好似見到我就大叫左出黎
「呀震 呀鷹 佢黎搵我嫁」
果兩個大隻佬突然無哂惡意
「係既 大家姐!」
超~原來係我條女隻狗我細細聲


「門口狗~」 
頭也不回就行去搵呀思 不過我知道佢地一定聽到
「思 佢地係?」
「哦我呀哥啲手下 佢地好聽話 我呀哥講咩佢都做 唔理有無廉恥既事」
「一定係你呀哥叫佢地保護你喇」
「係啊」

我搵呀思之前我買左兩個學校飯盒仲有兩盒豆奶都係20蚊 仲平過M記
我同呀思一到食飯一到問呀思
「思 你信唔信依個世界有鬼」


呀思佢側住個頭
「我未見你之前都唔信 但係見到你之後 原來真係有屎忽鬼 做咩咁問~」
「認真啊 思」
「唔信啊 」
好喇唔洗同呀思講 佢都唔信
「咁好喇 唔信都係好事」
「嗯 唉勤 你飯都唔識食...」
原來我嘴角痴左粒飯 呀思佢嘴左埋黎 食左我嘴角果粒飯
「嘿~真係好味」
「傻妹~」