每次我都只會叫一個豬柳蛋漢堡: 1-1-James的故事(一)

「兩個豬柳蛋漢堡丫唔該。」 

「點解你每日都黎買兩個豬柳蛋既？」 

「因為…我每日都等緊你同我share第二個……」 


那年，他們因豬柳蛋而相識。 






「特登泥接我放工咁好，食咩呀？」 

他拿起手上的豬柳蛋，遞給她。這天，只有一個。 
她沒留意，他手上只有一個。 

「又係豬柳蛋。」她微笑的抱怨。

她知道，他只能請她吃豬柳蛋，但這份豬柳蛋裡面，充滿著愛。
接過來，咬下去。 





「哎呀，塊蛋有石既……」 


那年，他們因豬柳蛋而結合。 


「我地離婚啦。」 

他聽罷，放下手中的豬柳蛋： 
「你唔鐘意食豬柳蛋可以換火腿扒，一樣價錢，洗唔洗下下嘈親都提離婚呀？」




 
「Come on James，你知道我地之間，唔係豬柳蛋定火腿扒既問題。」 

「…果日渣法拉利既，係邊個？」 

「佢係我老闆。佢話……」 


那年，他們因豬柳蛋而分開。 


每當他點豬柳蛋漢堡，店員都問他還要什麼。每當店員問他還要什麼，他總想多點一個。但是他知道，他，永遠只有一個豬柳蛋漢堡。 

直到一天，一個陌生人說：「可唔可以叫多一個，請我食？」