《妳做咩將成碗譚仔倒落我個頭上面！？》: 序章

 


「食屎啦你！」
 
一碗冒著白煙既譚仔湯麵，就好似罰球咁以時速三百幾公里既速度飛向我臉上！而伴隨住既，係一把可愛動人、但同說話內容格格不入既女性聲線 。
 
        「嘩屌！好熱啊！！！！！」我一野彈左起身，不停係咁用雙手撥走校服上面既麵條，同時間用憤怒既眼神望向呢位女生。
 
「你係咪痴線架小姐！成碗譚仔倒落我個頭上面！你係咪撞撚Short左個腦呀？去睇醫生啦仆街！」




 
本來，我真係諗住直接將呢一句說話屌落佢到。
 
但係，我無咁做到。
 
        眼前既女生，剪左一個啡色及肩既BOB型髮型。高挑既鼻樑、櫻桃小嘴、面型包包下巴尖尖。一句講晒就係李靜儀Type。
 
        不過令我收聲既原因，並唔係因為佢沉魚落雁既容貌。
 
        而係，佢汪汪雙眼旁邊兩串欲止不能既淚水。




 





        『當不幸的我，遇上了那不動腦筋的妳。』