[教畜]私補通常都會補上床: 4.16

自那天之後，每天Hanson 也會傳訊息過來給我，又打電話給我，但我通通都沒有回、沒有接。起初他只是一直問我為何不理他，是不是他做錯了什麼。

「傻妹......我真係好掛住你......」
「聽電話好無？」
「你唔好唔理我啦！」
「我掛住你」
「再唔覆我嬲架啦！」
「喂呀！！！！！」
「唔好唔理我啦唔好唔理我啦唔好唔理我啦唔好唔理我啦唔好唔理我啦」
「真係嬲啦！」



後來他好像明白了我是無論如何也不會回覆他的，於是就每天拍一堆照片給我，然後把我的Whatsapp 當成他的日記一樣，不停告訴我他那一天做了什麼事。

「喂！傻妹！我今日同成班同學去左打邊爐！」
「Image」
「Image」
「係咪好想食呢！不過佢地成班仔落左雞子，你就唔岩食啦......」

由於我已經從X 大退學，官司也結束了，每天只賦閒在家，觀看他的訊息就成為唯一的娛樂。



「有幾個朋友話想陸運會叫埋我一齊跑4x100。我跑得好慢，驚累輸佢地......」
「做project 識左幾個女仔，佢地話過幾日一齊去圖書館搵資料喎......」
「Mid term 成績好好呀我，快d 讚下我啦！我科教育心理拎左......」
「聽日就要跑啦！你快D 鼓勵我啦！頭先一齊去左練......」
「到左運動場啦，你睇下個場幾靚......」
「今日贏左冠軍，走果陣之前做project個女仔話想做我女朋友，我話我有女朋......」
「慶功宴！！你睇下D 肥牛幾肥，D 滑雞幾滑......」
「好尷尬呀上次拒絕左佢，依家仲要一齊做project......」

就算得不到回覆，仍每天孜孜不倦地訊息轟炸我。



「就黎放假啦！」
「聖誕我地去邊玩？」

我收拾好東西，把物件都放在行李箱之中。

過幾天就要走了，好像已經沒有什麼捨不得。

「呀女，準備好哂D 野既話，就睇下走之前果有無機會約下Hanson啦。」爸爸說。

「呀女唔想見佢就算啦，去到英國果邊要努力讀書呀，記得戴眼識人，唔好比人蝦。」

就差一點點，他就會忘掉我了，我不想功虧一簣。

「拿，你唔約我，我就去溝其他女架啦。」


「聖誕都要做毒J ，好慘呀我」

Hanson 你就放下我吧。

「平安夜啦！上年我地去左唱K 呀記唔記得！今晚我決定自己去唱！」
「講笑姐，你睇我同成班仔搞左個單身K 團，雖然我唔係單身......」

我好想忘掉這一切。

「又到聖誕～又到聖誕～聖誕節快樂傻妹！！」
「你睇D 燈飾幾靚，可惜你唔係我隔離」
「Free hug D 女好醜樣」
「我自已一個係海傍行，見到好多人都成雙成對。不過我心裡面恥笑D 男仔。因為佢地D 女無你咁靚。」
「我知你睇緊我既Message」



是的，你每個訊息我也細心看過。

「你就連少少反應都唔可以比我？」

我不能。

「我既聖誕願望係想再見你一面。」

我也好想，再見你一面。

披著Hanson 的風衣，這樣就像他一直在我身旁。父母陪我拖著行李到了機場，辦理好登機。也把行李寄艙了。我們坐在一旁的椅上，等候進入禁區。

「聖誕節，你不如打個電話比Hanson ，同佢傾下計啦。」媽媽說。

「係囉呀女，佢都好痴心架。」



我又何嘗不想打給他，只是既然決定要離開，就不要再依依不捨地告別。

「我同媽咪走先啦，你到左英國再打比我地。」

「唔等埋我入禁區啦？」我錯愕了一下。

「難得聖誕節，比我地拍下拖啦。」媽媽牽著爸爸的手，然後二手便離開了。

曾經我也有一個愛慕著的男人，讓我在寒冷的聖誕，牽著手，帶給我溫暖。

我覺得我好不幸。

我不應有這種遭遇的。



我現在，應該是跟Hanson 兩個人愉快地度過聖誕。

而不是孤身一人前往禁區。

電話傳來震動。是Hanson 的訊息，不知道他跑去哪看燈飾了。

「Image」—是我的背影。

「Patricia。」

Hanson 從背後抱著我。

「你黎做咩？」我問。

「我黎攬住我女朋友。」

是阿，我是你的女朋友阿。

「我記得我好似飛左你架啦喎。」

「但係我無話比你飛我喎。」

鼻子一酸。

「好耐無攬過你啦，傻妹。」

Hanson …...繼續抱緊我，再用力一點......

「放手啦，唔好再嗌我傻妹，我已經忘記左你啦喎。」我說。

「你真係忘記左我？」他問。

我怎麼可能忘了你？

「係。我對你已經無感覺。」我說。

「講大話。」

「我無講大話。」

「咁點解你著住我件風褸？」

因為，這風衣，有著你的氣息呀，多少個寒夜，我也抱著你這風衣才能進睡。

「我......我比返你......你快D 走啦......」我脫掉風衣。轉身垂下頭來。

Hanson 托起我的下顎，淚眼又能看到他的臉。淚珠滴到他的手上。

「Hanson ......」

他突然吻著我的唇。我享受著親吻愛人的這一刻。我抱著他的頸，他攬緊我的腰。彼此雙舌交纏。

我好想你。

好想你。

你終於來了。

終究還是放不下你。

我愛你，Hanson 。

「終於可以再見你一面啦，傻妹。」

「你唔係去左海傍咩，做咩識黎機場既？」

「因為聖誕老人話比我聽我個傻妹係到囉。」

「聖誕老人？我爸爸媽媽？」

Hanson 只是微笑，沒有答話。他緊緊地抱著我，在我耳邊說：「Patricia。」

「嗯？」

「我想陪你承擔你既壓力。」

「嗯。」

「我想一直同你一齊。」

「嗯。」

「我會等你返黎。」

「嗯......」


「你知E 大女多男少架啦，你要多D 同我視像，如果唔係我就把持唔住架啦。」
「你敢咩？」

「唔敢。你要覆我Message 呀。」

「我知道啦......嗚......」

「唔好再避開我啦，就算你避到天涯海角，我都一定會出現係你身邊，用力攬實你。」

我已經泣不成聲。

「傻妹，我愛你。四年好快過姐，多D 返黎陪我丫。」

「嗚......」我點點頭，用力抱緊Hanson 。

「夠鐘上機啦，快D 入去啦。」

我再看Hanson 一眼，然後跑進禁區。

最後再回望他一眼，看到他正用紙巾擦眼淚。

飛機起飛了，看著下面的機場，不知道Hanson 回家了沒有。我們開始了長距離戀愛，不知道接下來的幾年彼此會有多少挑戰，但我對Hanson 十分有信心。

因為，這個男人我，嫁，定，了。嘻！