[教畜]私補通常都會補上床: 3.12

踏入模擬考試的時節，中六的師兄師姊也為考試奮鬥努力。我與Sony 也被他們感染到了，於是開始研究起以往A-Level 的習題來，發現完全難以應付。要是考這種題，看來我們也不能進大學了。我與Sony 在午飯後還不想回去，於是就坐在餐廳聊聊天。

「你想讀咩科？」Sony 問。

「唔知......我想入S 大......」我說。

「我想讀英文系，可能會入B 大英文，或者E大英文教育。」Sony 拿著收生成績翻閱。

「唔知佢地收幾多分喎，不過我地連CE既題目都係識做少少，AL 完全收哂皮，入唔入到 U都成問題。」



「我淨係知我上學期除左英文之外，其他全部都係岩岩合格，咁落去唔係辦法。」Sony 英文全級第一，可是其他科卻差得遠了。我沒有什麼科目特別突出，分數也比合格高一點點而已。

「要開始勤力D 溫書啦，陸運會我打算唔返學。」我說。

「你呢排上堂成日係到溫數學喎，你真係咁想入S 大咩？」Sony 問。

「我對數學其實不嬲都好有興趣，只不過上到高中懶左先跟唔上姐，依家catch up 返，應該好快可以拎全級第一。」

「咁你起碼要數學拎A 喎。」



「A 係咪即係五星？」

「差唔多掛。」

班主任特意以我們中五上學期的成績作一個文憑試成績預測，結果卻讓眾人嚇到。我偷看Sony 的預測，他英文全級第一老師也只預計他會拿到5 級，沒有星星。其他科只有2 。而我卻全部也只有3 級，看來要考大學真的比想像中難得多。

「拿各位同學，你地知道以依家既分數大概會拎咩成績啦，低分既唔好沮喪，你地仲有一年時間可以提升你既成績。返到去多D 留意想入既學系收生成績，比心機溫書。」老師說罷便讓我們放學。

我與Sony 一路走著，大家也沒有說話，大概是被剛才的分數嚇到了吧。全科只有3，怎麼可能進得了S 大呢？想起剛才午飯後自己說要進S 大的狂言，真有點丟臉。



「Samson，不如今晚返去Del 左LOL 佢。」Sony 說 。

「你捨得咩？」我反問。

「我想入大學。」

「LOL 陪伴左你咁多個寂寞既晚上，真係捨得？」

「我要入大學。」Sony 以堅定的眼神望著我。

「好！」我也下定決心要回家刪掉LOL。

「前面果個係咪Quincy ？我走先啦，你去搵佢啦。」

Quincy 就在前面的轉角等著我，由於我們學校冬季女校裙非常相似，所以我差點也認不出那個是Quincy 。Sony 大概是不想做電燈膽，便走另一邊回家。



「點呀，今日考成點？」我問Quincy 。

「今日篇中文閱讀睇到我差d 喊出黎呀，好似係咩朱自清既目送，講父母同仔女架。」Quincy 靠著我走著。

「朱自清？目送？龍應台呀嘛？朱自清果篇叫背影喎。」我說。

「哈哈，好似係喎。」Quincy 燦爛地笑著。

「傻豬。」我輕輕敲了她的額一下。

「我媽咪有個朋友做旅行社，佢話五月頭可以有個plan for 兩個人去日本玩架。」Quincy 以充滿祈望的眼神望向我。

「但係我五月未放假喎。」



「陪我去啦陪我去啦陪我去啦......」Quincy 搖著我的手臂。

與Quincy 拍了那麼久拖，整個香港也留下了不少我們的腳印。到其他地方遊玩一下也不錯。

「好啦好啦，你今晚send d 詳情比我啦，我叫阿媽到時幫我請事假先。」

「好野！」看著Quincy 快樂的表情，心中有說不出的幸福感覺。同時內心也對她有著很重的內疚感。畢竟，我背著Quincy 與Cass 保持著肉體上的關係，這當然不能讓她知道了，要是她發現的話，不知道會不會把我殺死。電話震了，我左手探袋一看，是Cass 的訊息。

Cass：我岩岩係元朗走呀，會唔會有人得閒陪我食晚飯(笑喊)

「邊個呀？」Quincy 問。

「Sony 話老師追我功課，我要即刻返去做埋份野。」我欺騙了Quincy 。

「哦......咁我返去先啦，你快D 做埋份野啦。」Quincy 撲進我懷中，抱了一下，然後就繼續回家。