[教畜]私補通常都會補上床: 0.14

「叮噹」我鼓起勇氣按下Sapphire 家的門鈴。

「邊位咁夜呀，係你呀？」金秀賢打開門，一臉厭惡地看著我。

「呀大哥，我想搵Sapphire ，佢係唔係到？」

「佢送你走之後話想去行下，到依家都無返喎，你無打比佢咩。」

「下？佢有無話同邊個行？係咪同男朋友？」我問。



金秀賢瞄了我一眼，然後說：「入黎先講。」

我又坐在Sapphire 家的沙發上，金秀賢遞了一杯暖水給我。

「佢同男朋友分左手好耐啦喎，你唔知咩？」金秀賢喝下一口熱茶。

我有點晴天霹靂，Sapphire 現在是單身？為什麼她都沒有告訴過我？

「分左幾耐到？點解會分手既？」我急不及待地接連發問。



「好似係聖誕節之後分架啦，個傻妹呃佢男朋友話係Hall 同朋友開party，後尾比佢男朋友揭發左其實就無去到party，個傻妹又死都唔肯講自己去左邊，覺得個男朋友成日都唔信佢，所以就話要分手囉。唉，個男仔好錫佢架，不過就過份保護佢囉。」金秀賢坐在沙發上，一面喝茶，一面像講故事一樣告訴我這個事實。

我不禁感到內疚，沒想到是因為我的關係讓Sapphire 的戀情告終，破壞了他們的關係。

「我要訓架啦，你要等佢就慢慢坐啦。」金秀賢站起來。

「唔洗啦，我走架啦，唔該哂你呀大哥。」

「拿，我知你同呀妹好friend ，但都唔代表你可以立亂整污糟人地間房架，醒水D 丫嘛，成滴係地下呀，搞到間房一陣味，唉！」金秀賢一邊走入房一邊說。



我實在丟臉得很，只好裝作聽不見，然後馬上離開。

沿著今早Sapphire 帶我走的路線，好像又回到今天早上的情景：Sapphire 就在我旁邊，路上的人也以羨慕的眼光投向我，羨慕我能與美女並肩而行。現在只剩我一個孤身走路，有種「遍插茱萸少一人」的落寞。

回家的路上，一直想著，以前Sapphire 來我家時，也會沿這條路走，邊走邊想像Sapphire 行這條路的景象。一定不少男途人會打她主意，要是我在路上碰到這種美女又怎能不為之心動？我嘴角上揚。要是現在我們在路上碰見，我會對她說些什麼呢？或者我會喜極而泣，或者我會一口氣對她說出所有感受。但會不會嚇怕她呢？

 走著走著，經過將軍澳站，夜闌人靜，途人寥寥無幾，一個灰色身影正低頭迎面走過來，手上的飾品在深夜的街燈映襯下，閃閃生輝。我屏著呼吸，那是Sapphire 嗎？灰影越來越近，心跳越來越快。

 「Sapphire。」我說。

 她抬起頭，雙眼微紅。神情呆滯，看到叫她名字的人是我，便擠出一個微笑。

 「Winston，又撞到你啦喎。」她顯得有點憔悴。

 「Sapphire......我......」明明她就在眼前，我卻說不出話來。



 「你做咩呀？」她等待我開口。

 看著Sapphire ，心中有無數的話想對她說，只是一時語塞，心中有點激動，腦海一片空白，於是上前緊抱著她。

 「Sapphire，我......」看著Sapphire 一副憔悴又可憐的樣子，不禁感到慚愧又內疚，手也不停顫抖。

 「如果你攬住我，係純粹想抽水既話，咁就好快D 放開我啦，唔係我嗌架啦。」她在我耳邊悄悄話。

 「我鍾意你。」我緊抱著她，越抱越用力。

 「嗯。」她沒有太大的反應。

 「可唔可以比次機會我？」終於鼓氣了勇氣說出來。



 「咁岩岩個女仔點算？」Sapphire 問。

 「我好對佢唔住，但係我真正愛既唔係佢，而係你，如果我勉強同佢一齊只會令到大家都唔開心。我想同一個我可以全心全意愛既人一齊。」

 「你咁樣對佢好唔公平。」Sapphire 說。

 的確，明明都與Bella 發展成曖昧親密的關係，卻在臨門一腳才懸崖勒馬。想起Bella 剛才傷心欲絕的樣子，心有又愧疚的感覺。

 「係，我知道我咁做，對Bella 好唔公平。但係我愛既，係你呀Sapphire 。我......我愛好鐘意你呀Sapphire ......」雖然站外只有我與Sapphire 二人，但一直在說「愛你愛你」讓我覺得好生尷尬。

 Sapphire 沒有說話。只是輕輕推開我的胸膛，嘆了一口氣。我也沒想到要說些什麼，於是兩人就默站著，不發一言。果然嚇著她了吧？唉！

 過了良久，她垂下頭來，緩緩開口：「講多次最尾果句。」

 「下？我愛......」剛才全仗一時衝動才有勇氣把丟人的話說出來，現在卻突然害羞了起來。



 「唔講就算啦。」Sapphire 噘著小嘴，想轉身就跑。

 我馬上大叫：「我愛你！Sapphire！」也不怕會否騷擾到附近的民居。

 Sapphire 回眸露出一個頗滿意的笑容。

 「都成廿歲人仲咁唔知醜......」她羞澀的表情很是可愛。

 「咁......你即係應唔應承.....？」

臉熱得像火燒一樣，心跳也跳得相當劇烈。

 「應承D 咩？」Sapphire 笑瞇瞇地看著我，要我把話再說一次。



 「做我女朋友囉......」剛才的自信慢慢流走了，Sapphire 看似有意要看著我這個難堪的表情。

 她展開笑靨：「我諗下先啦。」然後伸出手，攤開手掌：「送我返屋企。」

我內心的不安馬上被她的笑容平伏了。我對著Sapphire 微笑，然後上前牽著Sapphire。

「一想起妳 如此精細
    其他的一切 沒一種矜貴」

-完-