[教畜]私補通常都會補上床: 0.2

看著Youtube 上別人拉小提琴的影片，既帥氣又有才華。不知何時才能與Bella 同台演出呢？Sapphire 收費雖貴，可是教導時卻相當認真，而且從不遲到，一絲不苟的性格使我對Sapphire 更為佩服。有時Sapphire 捉住我手，更正指法時，我總能感受到她溫暖柔軟的指尖。

「你都學得幾快架喎，咁快就拉到小星星。」Sapphire 對著我微笑。

「我都成廿歲人啦，學習能力應該好過D 小朋友既。」其實這幾天我一直苦練小星星這曲子。

「咁又係，有時教D 小朋友真係好勞氣架。」Sapphire 扭開水樽，喝了一口水。

「咁你以後淨係教大朋友咪得囉。」我對著她笑說。



「唔得架，我男朋友唔太鍾意我同其他男仔有來往。」她滑動手機屏幕。

「咁專制？」我放下琴弓。

「佢好錫我既，但成日都好怕我會比帽佢戴。」

「點解會咁？佢戴過好多次帽架？」我問。

「佢都好少提呢D 野既，我淨係知佢對上兩次都好似係戴帽收場。」



雖說現今社會男歡女愛十分平常。但一個男人戴兩次帽也太慘了吧。

「咁佢都好黑姐，連續遇到兩個花心既女人。」我把琴收到琴盒之中。

「所以我對佢都好好架，佢話唔准我同男仔Send whatsapp，我就Hea 覆D 男同學，除非有緊要事啦。我都改左你個名做Winston 小朋友。」

我笑了一下。

Sapphire 坐在沙發之上，我遞給她一包檸檬茶。



「係喎，識左成個月都唔知你讀咩架喎。」Sapphire 吸了一口檸檬茶。

「我係Y大讀Food Safety既，你呢？」

「我係X大讀Account 。」

「咁你男朋友呢？佢都係學生黎？」

「佢同我同一間U，今年Year 4架啦。」Sapphire 喝光了整盒檸檬茶。

我問了很多關於Sapphire 男朋友的事，一路聽Sapphire 的描述，一路將他與自己作比較。或者我已經開始對Sapphire 打起主意來。望著Sapphire 離去的背影，視線又落到她的腿上。

由於我還沒有學成樂器，所以還不算是樂隊成員之一。但我一有空就會跟著Oscar 到Band 房去當當跑腿。

某天Oscar 翹課，我一個人放學後還不想回家，就獨自到了Band 房去看看。



「咚咚。」只有Band soc的成員才有鑰匙，Oscar 又不在身邊，我只能敲門告知我的到來。

「咚咚咚咚咚咚。」等了幾十秒，裡面還沒有人開門。於是我再敲一次門。

難道今天沒有人？平時每日放學也有練習的阿。正當我打算轉身就走時，門就打開了。

「Winston？做咩今日會過黎既？」應門的是Bella ，她臉上有些冷汗，大概是剛才唱得太起勁吧。

「無野做，想過黎睇下囉。今日有咩人係到？」我想進入Band 房內，看到裡面空無一人。

「得我一個咋嘛，我都走架啦，不如一齊食晚飯？」Bella 問。

「好呀。」Bella 開口邀請我，我當然馬上答應。



我們到了學校附近飽餐一頓，然後閒聊起來。

「識拉小星星都幾勁喎，哈哈。」Bella 笑著。

「當然啦，我一路都話自己係音樂奇才黎。」我眼尾上揚。

「等你學成，好多歌既Solo 就交比你架啦。」Bella 笑得更可愛。

愛笑的女孩是可愛的。笑得甜美的女孩更為吸引。

「Bella ，下星期三唔知你得唔得閒......」我有些緊張。

「星期三day off 呀，做咩？想約我呀？」Bella 嘴角上揚，望了我一眼。

我尷尬地笑了。



「係呀，不如去睇場戲？」我鼓起勇氣問。

「好呀，我想睇黃飛鴻。」她原來喜歡武打片。

「咁約實你架啦喎！」

回家的路程我在路上一路竊笑，臉上表情實在難以掩蓋心中的興奮。我拿出手機，在Jorte Calendar 上寫標明下星期三與Bella 相約。

「咦？下星期三？」我看到月曆上早已標上「學琴」二字。

對阿，逢星期三要學小提琴，我怎麼突然忘記了呢？但魚與熊掌，不可兼得。

「SORRY 呀Sapphire ，下星期三我有事，停課一堂OK 嗎？」我發了一段訊息給Sapphire 。



「Ok.」她就簡單回了兩個字。