[教畜]私補通常都會補上床: 1.23

放榜大日子，每個莘莘學子早一晚也為自己祈禱。昨晚我也為Charlotte 祈禱了很多遍，只求Charlotte 能夠有二十分以上。我答應了Charlotte 陪她見證這個大事件，便約定在坑口站等她。

「喂，Sony 哥哥。」耳邊傳來Charlotte 的聲音。

「行啦，放榜都遲到。」我牽著Charlotte 的手，一同前往她的學校。

記得某日走在這條路時，曾想著要是與Charlotte 一起走的話，會有什麼感覺。今天終於快人一步理想達到。只能說這種感覺就是一個字：「爽！」

Charlotte 在校門出示了一下學生證，然後帶著我進了學校。只是我不能上她的班房，所以只好坐在Canteen 一面無聊地滑動著手機，等她下來。坐了約半小時，一把女聲在我背後叫我。



「咦，你咪之前黎教班個Sony？」

我回頭一看，原來是風韻猶存的Miss Li 。

「Miss Li 你好，好耐無見啦。」我馬上站起身對她微笑。

「今日有班教咩？做咩會黎左既？」

「我陪朋友......陪女朋友黎。」我笑得有點尷尬。



「邊個？Charlotte ？都話你想追人架啦。」Miss Li 用狡猾的眼神看我。

我沒答話，只是笑著。

「Charlotte 好似考得......」Miss Li 話還沒說完，Charlotte 便在我身邊牽著我。

「Miss Li ？你地識架？」Charlotte 問。

「之前見過架啦。Charlotte ，祝你前程錦繡，唔阻你地啦。」Miss Li 揮揮手，然後走上樓梯。



「你咁快落返黎既？」我問Charlotte 。

「拎完成績就走得啦。」Charlotte 說。

不會吧，我那時候放榜，拿著成績表不停查看歷屆聯招收生資料，在學校花了大半天時間，不停請教老師。Charlotte 怎麼可以馬上就走？難不成她考得太差了嗎？不會的，她應該至少有二十分阿，要是聯招排得好，還是有機會進大學。就算進不了八大，還是有機會進十一大或十二大兩間學院。

「我帶你去十一大同十二大Interview 啦，應該可以即刻比Offer 你。」我板著臉說。

「唔洗啦。」Charlotte 望著我甜笑。

「點解？你考得好好咩？點解你仲可以咁既態度？」我望著Charlotte ，有些疑惑。

「你睇下啦。」Charlotte 拿出藍白色的成績通知書。

「睇過。」我接過Charlotte 的成績通知書。



我實在不敢相信自己的眼睛。

「果然係青出於藍勝於藍。睇黎Samson 前年應該都同你一樣咁從容。」我看著那份成績通知書傻笑。

「嘻......都係你教得好姐。多謝你，我終於有機會脫貧啦。」Charlotte 攬緊我的手臂。

「咁你諗住入邊間？」

「返去轉哂Band A 做 Z 大。」Charlotte 一臉認真地說。

「下？你講真架？點解咁想入 Z 大？」

「要睇實你，等你無得溝其他女。」



我微笑，暗忖：就是這麼單純的原因嗎？

「痴線。」我靠近她耳邊，輕輕說：「就算你入邊間U，我都唔會溝其他女。」

Charlotte 臉上一紅，然後露齒甜笑。

「Sony 哥哥，不如我地依家去滴滴尼。」她說。

「好呀。」

「我要玩小小世界。」

「好悶姐。」

「又話陪我玩一千次一萬次既。」



「哦，好呀，咁今日全日就淨係玩小小世界。」

「講笑咋......」



－－－－－－完－－－－－－