[教畜]私補通常都會補上床: 1.16
https://youtu.be/Z6ryCfIw-lY?t=44s
已經什麼都無所謂了。
沒有了Charlotte ，好像已經沒有什麼值得在意。
本以為，沒有了Charlotte ，只是生活中缺少了一點點。但現在看來，Charlotte 早就在我心中佔了很大的空間。她走了，這一片空間也隨她而去。
現在心中，有一大個空缺。Charlotte ，你什麼時候才回來把這個缺口填滿？
我已經連續兩星期沒有上學，每天就躺在床上，望天打卦。
手機傳來一堆Samson 的訊息。
「你已經用哂走堂既credit 咁滯啦！」「今日prof 問Sony 係咪退左學。」「你今日會唔會返黎做project？」「班組員知你咁耐無返，屌哂鬼呀，你幾時返呀？」「幫你Check 左成績，你mid term考得幾好。」「下星期五有聯校派對，幫你報左名。」「份project 我已經做埋你果份，星期四請返黎present。」「我估你聽日都係返唔到黎present ，申請左下個月先present。」
我覆了Samson 一句「Sorry.」然後繼續躺在床上。
沒有大學讀也沒有所謂。最壞情況也就是到美國再找學校，還可以離開這個傷心地。
我好累，明明什麼都沒做，還是覺得好累。看著手機屏幕反映中滿面鬚根的自己，心想「都無人介意架啦」。懶的去剃。
閉起雙眼，總是想起Charlotte 的側面。也許這個側面實在對得太久了，現在不能再看，讓我好不習慣。
「......多得你提早幫我完成心願。」「Sony 哥哥，之前D 老師個個都嫌我呢度污糟......」「Sony 哥哥，你好餓咩......」「等等，Sony 哥哥，我有野送比你......」「Sony 哥哥，你無拍拖架咩......」「Sony 哥哥，你睇我靚唔靚......」「Sony 哥哥.......Sony 哥哥.......」
想起Charlotte ，又想起了奶茶仔。心又隱隱作痛，然後淚又不爭氣地掉下來了。
還是不要讓我醒來吧。
「開門。」
至少我在夢中，還能見到Charlotte 。
「Sony，開門。」
在夢中可以繼續與Charlotte 談話。在夢中可以再與她去一次滴滴尼。我們在樂園中，玩了數遍過山車。跟她在一起，就算玩一千遍小小世界，也不覺沉悶。
好想再看一次她那個笑容......
你能不能再親我一遍......
能不能再一次讓我看看你那天使般的笑容......
「喂，Sony 哥哥，起身啦。」耳邊傳來Charlotte 的聲音。
我猛然張開眼睛，卻是Samson 正在我耳邊叫嚷著。
「咦？你點入黎架？你想點呀？」我擦一擦眼角的淚痕。
「桃姐比左鎖匙我。我特登走堂黎睇下你有無為情自殺。」Samson 坐在床邊說。
「我高富帥，死左咪好哂。」
「咁你捨得起身未呀？Sony 哥哥？」Samson 用Charlotte 的語氣來叫我。
我轉過頭去，沒有理他。
「垃圾，你真係死左唔抵可憐，阻住地球轉。」Samson 不屑我的行為。
「係，Samson 你鬧得我好岩，我的確係垃圾。」
「Charlotte 真係咁正咩？又窮又無腦又無波。」Samson 說。
「唔正，一D 都唔正，飛機場黎既。」然後淚又湧出來了。
「咪係，我就唔溝呢D 女啦。」
「哈哈，我都唔知點解會咁鍾意佢。喂，Samson 。我表演D 野比你睇。」我眼中凝著淚。
「表演咩？溝唔到女喊呀？」Samson 有點不耐煩。
「無錯，你睇住。我只要忍住唔眨眼，等到有勁大滴眼淚先dup低頭眨眼，咁滴淚就會一野成PAT 咁飛落黎。你睇住。」我垂下頭來眨眼，一大滴淚珠直接跌到床邊。
「唔好咁啦，快D 換衫，Samson 哥帶你溝女。」Samson 扯我的被子。
「唔去。」
「女子大生喎。」
「唔去。」
「有大波妹喎。」
「唔去。」
「有靚腳妹喎。」
「......你出去先，我要換衫。」
Samson 步出房間。的確再這樣睡下去，睡多久也改變不了事實。今天就去結識一下新朋友，可能會遇上像Charlotte 的，又或者遇到比她更好的。隨便刮了下鬚子，換上衣服，便一同出門。
我們坐上的士，Samson 對司機說：「X大呀唔該。」
「去X大做咩？」我問。
「無睇Whatsapp 咩？聯校派對丫嘛。」
「又係無聊活動。」
「今次有埋幾間專上學院，唔淨止八間U。」Samson 說。
「唉，都上左車，無得唔去啦。」
到了X大，派對才剛開始。Samson 肚子痛，要我先進去。我到裡面走了一圈，看到全場也是庸脂俗粉，便步出會場，到處亂晃。走到一個貼滿學會資訊的貼版前面，望到一個相當美麗的少女，看上去與我差不多年紀，穿著晚裝，坐在椅子之上玩手機。
「Hello，你唔去會場既？」我對那個女孩揮揮手。
「我等緊男朋友呀。」少女說。
「我都等緊人喎，唔介意我坐你隔離丫嘛？」我微笑。
「好呀。」少女拿起身旁的手袋。我隨即坐了上去。
「你咁奇怪既？」少女問。
「點奇怪法？」我不解。
「頭先都有幾個男仔主動同我講野，但係一聽到我有男朋友就走左。你聽到我有男朋友好似幾開心咁既？」少女問。
「因為我無諗過溝你囉，只係想係等人既時候，搵人傾下計。點解會同男朋友一齊黎呢D 狗公派對既？」我問。
少女桃紅的小嘴笑了，露出雪白的牙齒，接著說：「我係呢度讀既，今晚男朋友學校隊Band 會黎表演，咪黎支持下囉。」
「哦......咁你自己有無學下樂器......」
我們聊著聊著，談起兼職的話題。
「主要係教琴賺錢囉，我之前都係我男朋友既老師黎。」少女笑著說。
「之前係，依家唔係啦咩？」我笑著問。
「依家無收佢錢，唔知仲叫唔叫老師。應該叫義工先岩。」少女微笑。
聽到義工，又想起Charlotte ，笑容馬上收起了。
「讀Z 大無幫人補習咩？」少女問。
心又是一酸，這個少女問的問題真是一矢中的。
「有，不過同個學生DSE 之後就無再聯絡啦。」我有點哽咽。
「你地唔會覺得好怪咩？好似突然間無左個好朋友咁。」少女問。
我鼻子一酸，忍住淚水。何止像是少了一個好朋友，簡直就像少了一塊肉一樣。
「本身教琴既時候，一直只當我男朋友係學生，或者係朋友咁看待。但係有日見到佢拖住個女仔，先明白自己心裡面果份感情，唔係普通老師同學生咁簡單。」少女似乎沒有察覺到我的面色。
「不過好彩我男朋友肯即刻追我咋，如果唔係都唔知會點。」她繼續說。
直到Charlotte 與奶茶仔在一起了，我才了解自己真正想要的。只是我沒有像這個少女的男友一樣，爭取到最後的機會。
那我的最後機會在哪？在Charlotte 考前的最後一天？還是應該早在Charlotte 找工作前就開始追她？我會有那種勇氣嗎？
「我男朋友黎左啦，記得黎睇佢表演喎。」少女在查看手機訊息，然後站起來。
「有機會既話，約下你個學生啦。我諗佢都好掛住你架，陣間見啦。」她露出天使般的笑容。道別，然後向會場館方向離去。
我點頭答應，向她揮揮手。
我也好想再約Charlotte ......Charlotte 會想念我嗎......
要是半年前的話，我應該會對那個少女很有興趣吧。只是不知為何，剛才與那種高質素的美女聊了很久，也沒有半點心動。甚至連名字也忘了問。大概我已失去了追求別人的心與勇氣吧。
我沒有回到會場，從另一邊走到馬路截的士回家。