[教畜]私補通常都會補上床: 1.13

已經幾星期沒有見到Charlotte 了。沒有感到特別的難受，但這段時間總是很難讓自己高興起來。畢竟不久前還每日相對著，現在不能見，生活好像缺了什麼似的。

每天早上，坐車的時候我也會看一看Charlotte 的Facebook Wall。有時看到她溫習壓力的呻吟，我會給她一個Like 以示鼓勵。有時看到她分享音樂，我也會細心聆聽，也會倍加留意歌詞，看看有沒有些歌詞，聽起來像是暗示著我們的關係。可惜Charlotte 大概五至六天才會有Facebook 動態，讓我好想知道她的生活到底過得怎麼樣。

我盡量參與不同的聚會，放學也常常黏著Samson 。因為每次當我一個人的時候，儘管沒有刻意提及，但思緒總是不期然地想起Charlotte 。

「Charlotte 考哂試未？」Samson 突然問。

聽到Charlotte 這個名字，心跳有點加快。



「應該早兩日考完最後果科Physics。」我說。

「咁可以去馬啦！Sony 哥哥～」Samson 莫名其妙地興奮起來。

「去咩馬？」我明知故問。

「溝佢囉。」Samson 說。

「無人話想溝佢囉。」



「咁你無啦啦提起佢做咩？」Samson 問。

「明明係你問起先......」

「你唔好咁多借口啦Sony ，係鍾意人就認，唔追既話，就唔好成日提起人。」Samson 義正詞嚴地對我說。

「我唔同你拗，留心聽書。」

Samson 說的也不無道理，或者我對Charlotte 是有那麼一點點的愛情感覺。又或者我只是同情她，才會有種想保護她的感覺。現在Charlotte 已經考完DSE ，接下來有自己的生活。她自己能賺錢養自己，成績也應該能進大學，又有奶茶仔在她身邊。那麼我也應該重回自己的道路，不要再去打擾她。因為，對彼此而言，大家都已經不再需要對方了。



只是要忘記一個人，並不是一件容易的事情。有時候，那個人總會冷不防地出現在你生活當中。

「有無興趣過兩晚同班系會班仔，上我屋企，一面打邊爐，一面睇NBA 。」系會會長問。

「得喎，反正我地都DAY OFF，Sony 去唔去？」Samson 最愛打邊爐與看NBA球賽。

「好呀。」

自從決定積極參與系活動後，與同學們的關係也變得更好，所以系會也常常邀請我們一起聚會。於是過了兩天，我們便到了系會會長的家。

「睇波都係成班仔先過癮，D 女都唔識睇，又要話悶。」會長一面把的肉丸、牛肉等食料放到飯桌上。

「我都係咁話。今晚有邊幾隊睇？」Samson 幫忙分好碗筷。

「Orlando Magic 對Charlotte Hornets 啦，仲有......」另一個系會莊員答。



「乜唔係叫Charlotte Bobcats 咩？」Samson 問。

「之前係Charlotte Bobcats，後尾改左名做Charlotte Hornets......」那個莊員回答。

我不欲再聽到他們再Charlotte 貓貓狗狗什麼的，便到廚房幫會長洗菜。

飽餐一頓後，我與Samson 走進會長的房間，參觀一下。

「咦會長，你都鍾意聽Classical 架？」Samson 拿起幾隻唱片。

「係呀，以前學琴開始鍾意呢方面既音樂。」

「嘩，你都有呢隻Charlotte Church 既CD 呀？我都有兩隻佢既CD 呀。」Samson 說。



我裝作沒聽到，馬上走出房間。

其實哪有那麼多「冷不防地出現在你生活當中」。根本有不少也是Samson 搞的鬼。離開會長家的時候，我與Samson 兩個人走另一邊坐巴士。

「你今日係咁講Charlotte Charlotte 唔煩架咩。」我問。

「咁岩有需要講Charlotte 呢個字丫嘛，你講到我好似特登講Charlotte 出黎咁既。」Samson 說。

「你好似真係特登講咁喎。」我瞄了他一眼。

「咁好囉，你都係唔想我提Charlotte 姐，咁我唔講Charlotte 囉。」

「頂你......」

「你擺明就鍾意人。唉，我都唔明你做咩收收埋埋。」Samson 拍了我肩膀一下。



「邊有姐。」我還在否認。

「Sony哥，你上堂成日都好似痴漢咁睇Charlotte 個Facebook ，我坐你隔離，一眼就望到啦。由你無同Charlotte 補習，到依家都成個月啦。你就日日都上堂發夢，唉聲嘆氣。你話你唔係單思，咁係咩？」Samson 自以為看穿了我。

我也不知道他是不是看穿了我。因為連我自己都不太清楚我為何變成這樣。

「你上次咪話佢係調景嶺返工既，我聽晚要去果頭，你陪我去，順便探下佢班啦。」

知我者，Samson 也。我點頭答應。