《我，就係踩單車跌落渠果個肥仔》: 10

話咁快就過左一日，我見無咩心情，所以一放學就番左屋企。

連呀洪叫我去睇低ＦＯＲＭ妹妹仔都唔去。

「粗口ＶＥＮＵＳ，妳係唔係度呀？」

「點下冬仔，唔開心呀？」點解佢性格可以多變成咁？

「有少少咁啦…」





「得少少咁唔夠架喎。」

屌！

「如果我幫呀雪同呀俊一齊，佢係咪會好開心？」

「我諗會既，除非唔會啦。」

「嗯…」





妳一部電話，又點會明白我…

「不如試下電話既功能啦撚頭～～保證你用過話正呀！」

係喎，試下係咪真都好喎，屌不過之前果個咩身型標準化都廢既，今次都係伏味濃。

「下，咁我試下個能力強化啦。」

我按左落去。





「屌無用既？！」

「低能仔，你心入面都無諗住要加強咩野能力！」

要咁架咩？

咁唱歌啦，我平時最鍾意唱歌，班ＦＤ都話我唱得幾好架～

於是我又再咁多次。

「生效喇，不過只有一小時，你而家可以試下。」

半信半疑既我走左去開隻死了都要愛唱啦。

果然係伏。





「屌妳都無用既。」

「加強呀，唔係一下子從垃圾變大師呀！」

串我垃圾咁話喇？

於是我開隻浮誇試下啦。又真係好左好多！

唱既時候異常地順！平時有可能走音既位完全無曬。

原來能力強化係可以定技能更穩定。

都唔錯。





「咁跟住落黎試埋偶遇先！」

「唔該你記得諗住想見既人。」

屌我唔會柒兩次囉。

呀汶呀汶呀汶！！！！！！

「已經生效喇。２４小時以內會遇見鍾智汶。」

屌生效左喇？咁我聽日唔出街既話，係咪即係代表………呀汶會上黎我屋企？！

我真係一個天才。