《我，就係踩單車跌落渠果個肥仔》: 6

屌點解會咁？我明明放左部電話係床。

點解而家部野會出現係我書包度？！

「你鍾意頭先果個女仔？」粗口VENUS問。

我即刻想搵個耳機啦，點知佢又話。

「你自己係心入面默念一次，我就聽到架喇。」





哇屌妳過左一晚姐，妳曉進化既？

「點解妳會出現係度架？！」

「好似係我問你問題先架喎！」

「係呀係呀我鍾意呀」

對住粗口VENUS我反而唔洗諗任何野就可以話佢知。





反正佢又唔會同到人地講。

「只要宿主離開手機十米，手機便會自動轉移到宿主身上。」

「妳到底係咩黎？科技？魔法？！」

「隨你點諗啦。既然你鍾意佢，手機功能會幫到你。」

屌你手機都識溝女？！





「現階段，提供兩項功能：１）偶遇，使用功能時心中想著對象即可。２）能力強化，使用功能時心中想著能力名稱即可。功能使用一次需要一點積分。」

講真我已經一Ｄ都唔震驚，因為自從我部電話變左粗口妹同我傾計之後。

我已經震驚夠。

屌妳我跌左落渠姐，洗唔洗呀？超能力都出埋黎？

「即係點？即係我諗住呀汶，跟住按一下手機個制，我就會見到佢？」

「係呀傻撚，咁都要問，唔撚識字咩你？」果然岩岩既溫柔有禮係假既。

「咁積分即係咩一回事？」

「手機會發佈任務比你做，完成左就會有積分，你而家有５點積分可以試用。」





望住手機ｍｏｎ入面既女神樣粗口妹，我真係好無奈。