透明人間: 龍虎鬥(上)

第十七節 龍虎鬥（上）

今日真是熱鬧！女神走了沒多久，病房中又出現兩個男人！輝揚記得他們就是當日在澳門工廠大廈內打到自己遍體鱗傷的亞二和亞三！由於馬龍當日已經和自己稱兄道弟，這時亞二恭恭敬敬對自己說：「揚少，我地大佬原本早幾日搵過你，打你個電話先知俾香港D差人做咗證物！乜咁唔好彩遇到個癲佬呀？攪到自己條命仔差D冇埋？拿！渣住啦！依個係大佬出俾你嘅電話，以後就用佢啦……」
這時輝揚接過電話！亞二續說：「以後方便聯絡！大佬話有事想揾你幫下手！不過佢見你入左醫院叫我地唔好打攪你住……俾你抖多日先，聽日我地再過嚟接你過澳門啦！」這時突然間電話響起，來電正是馬龍：「揚仔！點呀你？身體冇乜大礙下？你真係福大命大！哈哈……係呀！我叫左亞二同亞三嚟接你呀！有D野想揾你幫手！聽日見到面再講啦！呀！仲有一件事，我幫你辭左份工啦！仲私人醒左你老細十萬蚊！話俾佢聽高薪挖角要左你依個人才！哈……以後你就跟我揾食啦！遲D你先返舊公司簽個名就OK架啦！冇乜野你就休息下啦……」
掛線後，亞三這時才開口說：「係呀！揚少，大佬話叫你唔駛驚！嗰個成日跟蹤你……好似叫乜野陳根？大佬話會幫你攪掂佢！你就專心一致幫大佬對付石虎啦！」亞二接著說：「依個石虎！想當年本來同我地大佬稱兄道弟！大佬仲救過佢一命添！點知後來依個反骨仔恩將仇報！屈鳩我地大佬坐左差不多十年監！佢為左自己上位！殺左都唔知幾多同門兄弟！好多叔父輩都睇佢唔過眼架啦！好彩我地大佬命不該絕！依幾年出番嚟得到好多兄弟同叔父輩支持！依家同石虎個仆街仔可以話叮噹馬頭，勢均力敵……嚟緊大佬會同佢有項大買賣交易！希望借依次機會隊冧佢！詳細大佬聽日會同你講架啦！好啦……咁我地都唔阻住你啦！聽日見！」
亞二亞三走後，輝揚心情非常苦惱！終忍不住大聲叫道：「屌你老母嗰天係咪玩鳩我！玩完一次又一次！先嚟過青山陳根，揼我唔死有埋超能力！好啦諗住冇死啦？點撚知惹埋嗰個變態馬龍！死過番生番到嚟香港諗住抖下，點知一個屈尾十又遇到個神經佬，差D仲俾佢拮死埋！好啦……又唔死得！仲俾我發現就算拼左條老命，係女神心入面都係可有可冇！依家諗住係醫院抖下姐，出左院咪做番過打工仔攞！你老味仲乜野同我辭撚左份工呀？依家仲要對付嗰個乜春石虎？屌你！係咪儍架？？？」
宣洩過後，無奈始終要面對現實！輝揚決定選擇睡一次好覺！「明天一於兵來將擋，水來土淹！遇著我陳輝揚！石虎你死定了‼」