透明人間: 試驗

第六節 試驗

來到富臨酒家樓下，輝揚看一看自己手上標榜全球限售三百隻Gudam Rx-78 2型號的黑色鋼帶錶，時間剛剛好八時正！這時電話Whatsapp聲突然響起，原來是亞正，「揚哥！我同賓哥揼完骨己經到左啦！除左亞Paul同Ling姐未到，所有人都係齊到等緊你依個主角！你係邊到呀？」正當廢樣想乘升降機回覆亞正話自己已經係樓下時，他同時間見到一個妙齢少女的背影，只見她穿著紫色的吊帶裙，婀娜多姿正在行上樓梯，二話不說的廢樣已經衝出升降機門，改為行樓梯一睹那少女的風采！
廢樣初試締聲！集中精神運用自己死過翻生的透視能力，慢慢終於看到那紫色裙的美少女內裡居然穿著黑色厘士的T-Back, 心想：「屌你！正啦喂！」情不自禁高興地吹出口哨來！不知道廢樣口哨聲是悅耳還是刺耳？那少女居然回頭一望…
抱著很大期望的廢樣和她來個眼神接觸……「仆街！原來係豬西嚟！嚇到我鳩都縮撚埋呀！」廢樣心裡臭駡一支箭衝上樓梯！
「揚哥！你嚟左啦？」說話的正是女神亞May，「老闆臨時有事去左大陸見客，所以嚟唔到，佢叫我同你講聲唔好意喎！另外我都有打俾逹叔……但佢好快就收缐話唔嚟……睇嚟準備坐船過澳門！點解我知？因為好似聽到背景聲D人叫緊乜野八點半百二蚊去氹仔！可能同佢仔仔一齊玩散下心掛？依家差Ling姐同亞Paul就人齊啦！Ling 姐係whatsapp話奏埋B仔嚟所以就遲D到，Paul就whatsapp無應過我地，我諗佢嚟緊架啦……」
開啓透視能力的廢樣就這樣再一次給女神的性感身段迷倒了！為免生理反應的尷尬，他第一時間坐下…
坐在身邊的肥賓好不客氣講：「死仔！頭先你死左去邊呀？叫你去揼骨又唔去！我頭先問小蓮羅亞正個衰仔陪我，費盡唇舌！攪到遲左半個鐘先去！你賠番俾我呀！」亞正亦開心笑著：「係呀！揚哥！我地兩個加埋蝕左足足一個鍾揼骨錢呀！」這時小蓮亦嬌嗲對亞正話：「駛乜哂錢出去揼姐？我私人可以同你揼架嘛……亞正呀！」
廢樣這時望著小蓮，先發覺平時衣著密實的她其實身材是超班的！有前有後！和女神各有各的美態……但當想到小蓮可能是亞正未來的女朋友，他立時集中精神解除自己的透視能力！五六分鐘過後，輝揚視力回復正常人的水平！比剛剛在家裡初初嘗試快了足足二十分鐘！看來他愈來愈熟練了！
同時間Ling姐，B仔同埋亞Paul都到了！這時亞May很識做叫侍應可以起菜了！B仔一來到，就立刻成為全場焦點！好像B仔才是這餐晚飯的主角！而輝揚當然不會同一個小朋友計較啦，的而且確B仔真的很可愛！很討人歡喜！難怪Ling姐同蘭姨平時可以有數之不盡的話題了！




相反全場最悶悶不樂的卻是亞Paul！這時他忽然向輝揚說：「揚仔，咁次大件事了！你知唔知我係公司收到乜野Fax? 全部都係關於達叔架……」